بريتانيا كاپيتالدىڭ رەكوردتىق جىلىسۋىنا تاپ بولدى

ينۆەستورلار بريتانيادان ءوز كاپيتالدارىن اسىعىس تۇردە اكەتۋ ۇستىندە. بۇل جايىندا CrossBorder Capital كونسالتينگتىك فيرماسىنىڭ دەرەكتەرىنە سۇيەنە وتىرىپ, CNBC.com co سايتى حابارلاعان. سوڭعى 15 ايدىڭ ىشىندە بريتا­نيادان كاپيتالدىڭ كەتۋ كولەمى 356 ميلليارد دوللاردى قۇراپ وتىر. ونىڭ ۇستىنە سوڭعى ايلاردا جاعداي ەداۋىر دارەجەدە ۋشى­عا تۇسكەن. تەك ناۋرىز ايىنىڭ وزىندە عانا ينۆەستورلار 24 ميلليارد دوللاردى شىعارىپ اكەتكەن. بۇل 2005, 2010 جىلدارعى اۋىر جاعدايدى ەسەپكە العاننىڭ وزىندە ەڭ قيىن رەكوردتىق كورسەتكىش بولىپ وتىر. ويتكەنى, كورسەتىلگەن اۋىر كەزەڭنىڭ وزىندە دە كاپيتالدىڭ قاشۋى مۇنداي شەككە جەتپەگەن ەدى. ينۆەستورلار ءوز كاپيتالدارىن ەكى ءتۇرلى سەبەپتىڭ ىقپالىمەن اكە­­تۋ ۇستىندە. بىرىنشىدەن, بريتا­نيا پارلامەنتىندەگى سايلاۋ ءناتي­جەسى ەۋروپالىق وداقتىڭ انتي­ينتەگراتسيالىق ساياساتىنىڭ پاي­دا­سىنا شەشىلىپ, بۇل جاعداي ماسە­لەنى ودان ءارى ۋشىقتىرا ءتۇسۋى ءمۇم­كىن. ەكىنشىدەن, بريتانيادان ءوز كاپيتالدارىن اسىرەسە, رەسەيلىك ينۆەستورلار اكەتۋ ۇستىندە. ويتكەنى, ولار ەرتە مە, كەش پە وزدەرىنىڭ قارجى­لارى سانكتسيالاۋعا تۇسەدى دەپ قاۋىپتەنۋدە. سونداي-اق, كاپيتالدىڭ كەتۋىنە ەلدەگى ىشكى ينۆەستورلاردىڭ مەم­لەكەتتىك وبليگاتسيالاردان تەزىرەك قۇتىلۋعا اسىعۋى دا سەبەپ بولۋدا. ولار وسىدان بوساعان قاراجاتتارىن دامۋشى ەلدەردىڭ بورىش قاعازدارىنا سالۋدى ءجون كورىپ وتىرعان ىسپەتتى. ويتكەنى, دامۋشى ەلدەردەگى مۇنداي قاعازداردىڭ كىرىستىلىگى بريتان وبليگاتسيالارىنا قاراعاندا الدەقايدا جوعارى بولىپ وتىر.