فوتو: دەنساۋلىق ساقتاۋ مينيسترلىگى
جوبا مەملەكەت باسشىسىنىڭ تاپسىرماسى بويىنشا ىسكە اسىرىلىپ جاتىر جانە سالاعا ينۆەستيتسيالار تارتۋدىڭ جاڭا تەتىگىن كورسەتەدى.
ء«بىز تۇراقتى ديناميكانى كورىپ وتىرمىز: فارماتسەۆتيكا سەكتورى 10%-عا ءوسۋدى, ال ينۆەستيتسيا كولەمى 2 ەسە ءوسۋدى كورسەتەدى. بۇل جەرگىلىكتى ءوندىرىستى دامىتۋ جونىندەگى جۇيەلى مەملەكەتتىك ساياساتتىڭ ناتيجەسى», دەدى دەنساۋلىق ساقتاۋ ءمينيسترى اقمارال ءالنازاروۆا.
اتالعان مينيسترلىكتىڭ مالىمەتىنشە, كەلىسىمنىڭ نەگىزگى پارامەترلەرى مىناداي:
- يۆەستيتسيالاردىڭ جالپى كولەمى – 40 ملرد تەڭگە;
- اعىمداعى كەلىسىمنىڭ شەڭبەرىندە الەۋمەتتىك ماڭىزى بار 17 پرەپارات جانە دارىلىك زاتتاردىڭ 40 اتاۋى كوزدەلگەن;
- جاڭا ءوندىرىستىڭ قۇرىلىسى 2026 جىلى باستالادى;
- ءوندىرىس GMP حالىقارالىق ستاندارتتارىنا سايكەس كەلەدى.
ء«بىزدىڭ مىندەتىمىز – ەلدى ساپالى جانە قولجەتىمدى ءدارى-دارمەكتەرمەن قامتاماسىز ەتۋ, سونداي-اق قازاقستان وڭىرلىك فارماتسەۆتيكالىق حابقا اينالاتىن جاعدايلار جاساۋ. بۇل ءۇشىن بارلىق قاجەتتى زاڭنامالىق جاعدايلار جاسالعان», دەدى ۆەدومستۆو باسشىسى.
فارماتسەۆتيكا سالاسىنداعى بىلىق: جالعان قۇجاتپەن مەديتسينالىق جابدىقتار جەتكىزگەن كومپانيا انىقتالدى
جوبانى ىسكە اسىرۋ ەلدىڭ دارىلىك قاۋىپسىزدىگىن كۇشەيتەدى, ەكسپورتتىق الەۋەتىن كەڭەيتەدى جانە قازاقستاننىڭ وڭىردەگى فارماتسەۆتيكالىق ءوندىرىس ورتالىعى رەتىندەگى ۇستانىمىن نىعايتا وتىرىپ, جاڭا جۇمىس ورىندارىن اشادى.
جاڭا 4 فارماتسەۆتيكالىق زاۋىت سالىنادى: ەلىمىزدە قانداي ءدارى-دارمەكتەر وندىرىلەدى؟
