فوتو: UfaBizPhoto / Shutterstock
جابىرلەنۋشىنىڭ ارىزىنا سايكەس, ەر ادام ءبىر جارىم جىلدان استام ۋاقىت بويى ايەلدى ۇزدىكسىز اڭدىپ, ونىڭ نازارىن وزىنە زورلىقپەن اۋدارۋعا تىرىسقان. ايەلدىڭ ايتۋىنشا, ول ونىڭ سوڭىنان ەرىپ, وزىنە جانە اينالاسىنداعى ادامدارعا قاتىستى جانجال شىعارعان.
سولتۇستىك قازاقستان وبلىسى پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە, كۇدىكتى بۇعان دەيىن جابىرلەنۋشىگە قاتىستى بالاعات سوزدەر ايتۋ, دەنە جاراقاتىن سالۋ, سونداي-اق ونىڭ تانىسىنا شابۋىل جاساۋ دەرەكتەرى بويىنشا اكىمشىلىك جانە قىلمىستىق جاۋاپكەرشىلىككە تارتىلعان. سوعان قاراماستان, ول قۋدالاۋىن توقتاتپاعان.
جابىرلەنۋشى ايەل تىنىشتىعىنان ايىرىلىپ, قالا ىشىندە جۇرۋدەن قورقىپ, ءوز قاۋىپسىزدىگىنە عانا ەمەس, اينالاسىنداعى ادامداردىڭ دا ومىرىنە الاڭداعانىن ايتقان.
2025 جىلدىڭ قىركۇيەگىنەن باستاپ قازاقستاننىڭ قىلمىستىق كودەكسىنە 115-1-بابى «ستالكينگ» ەنگىزىلگەننەن كەيىن ايىپتالۋشى جابىرلەنۋشىمەن بايلانىس ورناتۋعا ەكى رەت ارەكەت جاساعان. سول ارەكەتتەردىڭ ءبىرى ايەل پودەزگە ورناتقان بەينەباقىلاۋ كامەراسىنا ءتۇسىپ قالعان.
22 قاڭتاردا ايەل پوليتسياعا جۇگىنگەن. تەكسەرۋ جۇرگىزىلگەن سوڭ ءىس ماتەريالدارى سوتقا جولداندى. 28 قاڭتاردا سوت ايىپتالۋشىعا 100 ساعات قوعامدىق جۇمىس جازاسىن تاعايىندادى.
سونىمەن قاتار وعان ىشىمدىك ىشۋگە تىيىم سالىندى. پوليتسياعا پروفيلاكتيكالىق اڭگىمەلەر ءۇشىن تۇراقتى تۇردە كەلىپ تۇرۋ مىندەتتەلدى.
ۇكىم ازىرگە زاڭدى كۇشىنە ەنگەن جوق.
