اشىلۋ سالتاناتىنا ماجارستان مادەنيەت جانە يننوۆاتسيالار ءمينيسترى بالاش حانكو, قازاقستاننىڭ ماجارستانداعى ەلشىسى ابزال ساپاربەك ۇلى, تۇركى اكادەمياسىنىڭ پرەزيدەنتى شاھين مۇستافاەۆ, تۇركسوي» باس حاتشىسى سۇلتان راەۆ, ماجار ۇلتتىق مۋزەيىنىڭ پرەزيدەنتى گابور جيگموند, «ماجار-تۇران» قورىنىڭ پرەزيدەنتى اندراش جولت بيرو, سونداي-اق ازەربايجان, تۇركيا, وزبەكستان, موڭعوليا سىندى بىرقاتار ەلدىڭ مۋزەي باسشىلارى مەن عالىمدارى قاتىستى.
حالىقارالىق ىنتىماقتاستىق ناتيجەسىندە ۇيىمداستىرىلعان كورمەدە 13 ەلدىڭ 64 مۋزەيىنەن جينالعان 400-دەن استام بىرەگەي تاريحي جادىگەر ۇسىنىلعان. ەكسپوزيتسيا عۇن داۋىرىنەن باستاپ بۇگىنگە دەيىنگى شامامەن 1600 جىلدىق تاريحي كەزەڭدى قامتىپ, اتتيلانىڭ تۇلعاسى مەن عۇندار مۇراسى ايگىلەندى. كورمەگە وتانىمىزدان تابىلعان عۇن ءداۋىرىنىڭ ارحەولوگيالىق جادىگەرلەرى دە قويىلدى.
كورمە اياسىندا «ەۋروپالىق عۇندار جانە دالالىق ارحەولوگيانىڭ سوڭعى جەتىستىكتەرى» اتتى حالىقارالىق عىلىمي كونفەرەنتسيا وتكىزىلىپ, وعان ماجارستان, تۇركى مەملەكەتتەرى جانە موڭعوليادان كەلگەن جەتەكشى ارحەولوگتەر مەن زەرتتەۋشىلەر قاتىستى. ماجار ۇلتتىق مۋزەيىندەگى «اتتيلا» كورمەسى 23 قاڭتاردان 12 شىلدەگە دەيىن كوپشىلىك نازارىنا ۇسىنىلادى.
