جارىستىڭ سورەسى مەن مارەسى «قازاق ەلى» مونۋمەنتى ماڭىنداعى تاۋەلسىزدىك الاڭىندا ورنالاسادى. قاتىسۋشىلار استانانىڭ باستى كوشەلەرى مەن كورىكتى جەرلەرىن جۇگىرىپ وتەدى. ۇيىمداستىرۋشىلار ءىس-شاراعا سپورتشىلارمەن قاتار جانكۇيەرلەر مەن قوناقتار دا كەلە الاتىنىن حابارلادى.
ەلوردادا مارافونعا بايلانىستى ونداعان كوشە جابىلادى
قاتىسۋشىلارعا ءتورت ءتۇرلى فورمات ۇسىنىلادى: 21,1 شاقىرىمدىق جارتىلاي مارافون, 10 شاقىرىمدىق جۇگىرىس, 10 شاقىرىمدىق سكانديناۆيا ءجۇرىسى جانە «ەكيدەن» كوماندا ەستافەتاسى. جارىسقا كاسىبي سپورتشى دا, اۋەسقوي جۇگىرۋشى دە قاتىسا الادى.
بەلگىلەنگەن ۋاقىت ىشىندە مارەگە جەتكەن بارلىق قاتىسۋشىعا ەستەلىك مەدال تابىستالادى.
ءىس-شارادا قازاقستان جەڭىل اتلەتيكا فەدەراتسياسىمەن بىرلەسىپ 21,1 شاقىرىم قاشىقتىق بويىنشا ەل چەمپيوناتى دا ۇيىمداستىرىلادى. چەمپيوناتقا ەلدىڭ ۇزدىك جەلاياقتارى قاتىسىپ, ناتيجەسى فەدەراتسيانىڭ رەسمي ەسەبىنە ەنەدى.
مارافون باعدارلاماسى:
05:00 – ءسورا مەن مارەنىڭ اشىلۋى;
05:30 – قىزدىرىنۋ جاتتىعۋى;
05:45 – 21,1 كم, ەليتالىق توپ جانە «ەكيدەن» قاتىسۋشىلارىن ساپقا تۇرعىزۋ;
06:00 – 21,1 كم جارىسى مەن ەستافەتانىڭ باستالۋى;
06:20 – قىزدىرىنۋ جاتتىعۋى;
06:35 – 10 كم جۇگىرىس پەن سكانديناۆيا ءجۇرىسىنىڭ قاتىسۋشىلارىن ساپقا تۇرعىزۋ;
06:50 – 10 كم جارىسى مەن سكانديناۆيا ءجۇرىسىنىڭ باستالۋى;
08:50 – جەڭىمپازداردى ماراپاتتاۋ ءراسىمى;
10:00 – مارەنىڭ جابىلۋى;
11:00 – ءىس-شارانىڭ رەسمي اياقتالۋى.
