بۇل قۇجات ازاماتتاردان, ساياسي پارتيالاردان, قوعامدىق ۇيىمداردان جانە ساراپشىلاردان تۇسكەن بارلىق ۇسىنىستىڭ نەگىزىندە ازىرلەندى.
باقىت نۇرمۇحانوۆتىڭ ايتۋىنشا, جاڭارتىلعان كونستيتۋتسيا جوباسىندا پرەامبۋلا, 11 ءبولىم جانە 104 باپ بار. «حالىق كەڭەسى» جانە «كونستيتۋتسياعا وزگەرىستەر مەن تولىقتىرۋلار ەنگىزۋ» اتتى ەكى جاڭا ءبولىم ەنگىزىلگەن. تاعى 4 ءبولىمنىڭ اتاۋى وزگەردى.
وزگەرىستەر مەن تولىقتىرۋلار اتا زاڭنىڭ بارلىق بولىمدەرىن قامتىپ, 77 باپقا تۇزەتۋلەر ەنگىزىلدى. بۇل كونستيتۋتسيا ءماتىنىنىڭ 84%-ىن قۇرايدى.
ب.التىنبەكوۆ: كونستيتۋتسيالىق رەفورما – دامۋدىڭ جاڭا باعىتىن تاڭداۋ
«ۇسىنىلعان وزگەرىستەر ماڭىزدى ءارى اقىلعا مۇقيات سالىنعان قادام, ولار تۇجىرىمدامالىق تاسىلدەردى وزگەرتىپ, قۇقىقتىق دالدىكتى نىعايتىپ, كونستيتۋتسيانىڭ ساپاسىن ارتتىرادى», دەدى كونستيتۋتسيالىق كوميسسيانىڭ مۇشەسى.
«ادام مەن ازاماتتىڭ كونستيتۋتسيالىق قۇقىقتارى مەن بوستاندىقتارىن جۇزەگە اسىرۋ جانە قورعاۋ كەپىلدىكتەرى كۇشەيتىلىپ جاتىر. پرەزيدەنتتىك باسقارۋ فورماسىن ساقتاي وتىرىپ, مەملەكەتتىك بيلىك قۇرىلىمى ايتارلىقتاي وزگەرەدى», دەپ مالىمدەدى كونستيتۋتسيالىق سوت توراعاسىنىڭ ورىنباسارى.
سونىمەن قاتار ول نەگىزگى وزگەرىستەردى دە اتاپ ءوتتى: جاڭا ءبىر پالاتالى پارلامەنت مودەلى ەنگىزىلەدى, ازاماتتاردىڭ مەملەكەتتىك باسقارۋعا قاتىسۋ مۇمكىندىكتەرى كەڭەيەدى, كونستيتۋتسيالىق سوتتىڭ قۇقىق قورعاۋ تەتىكتەرى مەن اتا زاڭ نەگىزىندە قۇقىق ۇستەمدىگىن قامتاماسىز ەتۋ بويىنشا قىزمەتىنىڭ تيىمدىلىگى ارتادى.
اسحات راحيمجانوۆ: كونستيتۋتسيالىق رەفورما – بۇل قوعامنىڭ ناقتى سۇرانىستارىنا جاۋاپ
باقىت نۇرمۇحانوۆتىڭ حابارلاۋىنشا, كونستيتۋتسيالىق نوۆەللالار مەملەكەت ميسسياسىن, ونىڭ فۋنكتسيالارىنىڭ مازمۇنىن, مەملەكەتتىك ورگاندار, قوعامدىق ۇيىمدار مەن ازاماتتار اراسىنداعى ءوزارا قارىم-قاتىناس قاعيداتتارىن جاڭا قىرىنان تۇسىنۋگە مۇمكىندىك بەرەدى, ازاماتتىق قوعام ينستيتۋتتارىن مەملەكەتتىك ماڭىزى بار ماسەلەلەردى شەشۋگە كەڭىنەن تارتۋعا جول اشادى.
«بۇل كونستيتۋتسيا مازمۇنىنىڭ جاڭارۋى مەن تۇبەگەيلى وزگەرۋى تۋرالى ايتۋعا مۇمكىندىك بەرەدى», دەپ اتاپ ءوتتى ول.
