جوبا ديماش قۇدايبەرگەننىڭ باستاماسىمەن قولعا الىنىپ, Hunan Broadcasting System مەدياحولدينگىمەن بىرگە جۇزەگە اسىرىلدى. Voice Beyond Horizon ءارتۇرلى ەلدەردىڭ ونەرپازدارىن بىرىكتىرۋمەن قاتار قازاقستاننىڭ تابيعي ارالۋاندىعىن جانە تۋريستىك الەۋەتىن ميلليونداعان كورەرمەنگە تانىستىرادى. تۇسىرىلىمدەر تۇركىستان, ماڭعىستاۋ, الماتى, اقمولا وبلىستارىندا جانە استانا, الماتى قالالارىندا ءوتتى.
ديماش قۇدايبەرگەن جاڭا بەينەبايانىندا قازاقستاننىڭ سۇلۋلىعىن پاش ەتتى
جوباعا قازاقستاننىڭ, قىتايدىڭ, قىرعىزستاننىڭ, يتاليانىڭ, مالايزيانىڭ, سەربيانىڭ ورىنداۋشىلارى قاتىسادى. وتكەن جىلدىڭ قىركۇيەك ايىندا ولار قازاقستان وڭىرلەرىن ارالاپ, 7 مىڭ شاقىرىمنان استام جول ءجۇرىپ ءوتتى. جوبا باعىتى كونە تۇركىستاندى, بوزجىرانىڭ ەرەكشە كورىنىستەرىن جانە كاسپي تەڭىزى جاعالاۋىن, تابيعي ءىنجۋ-مارجانعا اينالعان قايىڭدى مەن كوبەيتۇز كولدەرىن, تۋريستىك ساتى اۋىلىن, قاپشاعاي سۋ قويماسىن, ششۋچينسك-بۋراباي كۋرورتتىق ايماعىن قامتىدى.
ديماش قۇدايبەرگەن قازاقستاننىڭ كورىكتى جەرلەرىندە بەينەبايان ءتۇسىرىپ جاتىر
«Voice Beyond Horizon» جوباسىنىڭ رەسمي كورسەتىلىمى قىتايدا اۋديتورياسى 1,9 ميللياردتان اساتىن Hunan TV تەلەارناسى مەن Mango TV تسيفرلىق پلاتفورماسىندا, قازاقستاندا «Qazaqstan» ۇلتتىق ارناسىندا وتەدى.
جوباعا «Kazakh Tourism» ۇلتتىق كومپانياسى, تۋريزم جانە سپورت, مادەنيەت جانە اقپارات مينيسترلىكتەرى, استانا, الماتى قالالارىنىڭ جانە الماتى, اقمولا, تۇركىستان, ماڭعىستاۋ وبلىستارىنىڭ اكىمدىكتەرى ۇيىمداستىرۋشىلىق قولداۋ كورسەتىپ, دەمەۋشىلەر رەتىندە «Qarmet», «قازاقمىس», «التىن الماس» كومپانيالارى مەن نۇرلان سماعۇلوۆ قورى دا اتسالىستى.
«Voice Beyond Horizon»: ديماش قۇدايبەرگەن پروديۋسەرلىك ەتكەن جوباسىن تانىستىردى
