سۋرەت: baq.kz/
فورۋمدا ەلدىڭ ءار وڭىرىنەن كەلگەن «اق جول» پارتياسىنىڭ 200-گە جۋىق كوشباسشى ايەلى بىرىگىپ, ەلىمىزدىڭ قازىرگى ساياساتى مەن ەكونوميكاداعى ءرولىن تالقىلادى. سونداي-اق ولار ايەلدەر كاسىپكەرلىگىن قولداۋ ستراتەگيالارىن ازىرلەپ, ايەلدەردىڭ قوعامدىق-ساياسي ومىرگە كەڭىنەن قاتىساتىنىن ايتتى. فورۋم اياسىندا پارتيانىڭ ۇلتتىق كەڭەسىنىڭ وتىرىسى دا ءوتتى. وندا ۇلتتىق قۇرىلتايدا كوتەرىلگەن باستامالارعا شولۋ جاسالىپ, وندا ايتىلعان ماسەلەلەردىڭ شەشىمىن تابۋعا «اق جولدىڭ» ايەلدەر قاۋىمى بەلسەنە كىرىسپەك.
قازىر پارتيا قۇرامىنىڭ 40 پايىزىن ايەلدەر قۇرايدى. «اق جول ارۋلارى» ايەلدەر قاناتىنىڭ ءتورايىمى, پارلامەنت ءماجىلىسىنىڭ ۆيتسە-سپيكەرى دانيا ەسپاەۆانىڭ ايتۋىنشا, «اق جول ارۋلارى» فورۋمى ايەلدەردى ساياساتقا تارتىپ, قوعامدىق, ەكونوميكالىق تۇرعىدا بەلسەندى بولۋعا شاقىراتىن الاڭ. وندا ايەل كوشباسشىلىعىنا ۇلكەن قولداۋ كورسەتىلەدى.
«اق جول» دەموكراتيالىق پارتياسىنىڭ ايەلدەر قاناتى فورۋمىن ماڭىزدى ساياسي قادام رەتىندە قاراستىرۋ كەرەك. ول فورمالدى تۇردەگى قۇرىلىم نەمەسە يميدجدىك جوبا ەمەس, بۇل – ايەلگە دەگەن پارتيا كوزقاراسىن بىلدىرەدى. ايەلدەر قاناتى دا بۇل – پارتيامىزداعى ايەلدەردىڭ پارلامەنتپەن تىكەلەي ديالوگ ورناتۋ ارناسى, وڭىرلەردەن كەلىپ تۇسەتىن جانە كۇندەلىكتى ومىردەگى باستامالاردى قالىپتاستىرۋ تەتىگى», دەدى د.ەسپاەۆا.
پارتيا توراعاسى, ءماجىلىس دەپۋتاتى ازات پەرۋاشەۆ پارتياداعى ايەلدەردىڭ ۇلەسى جوعارى ەكەنىن ايتىپ: «قانشاما مىقتى, ءبىلىمدى, تاجىريبەلى ەر جىگىتتەر بولسا, قىزدارىمىز ودان كەم ەمەس. ولاردىڭ ورتاق ىسىمىزگە قوسقان ۇلەسى ەرەكشە», دەپ اتاپ ءوتتى ا.پەرۋاشەۆ.
