كوماندالىق سايىستا ولار دايىندىقتارىنىڭ جوعارى ەكەنىن پاش ەتىپ, تەحنيكالىق بىلىكتىلىگى مەن ۇيىمشىل كوماندالىق جۇمىستى كورسەتە الدى. بايقاۋعا ۇسىنىلعان روبوتتى جوبالاۋ جانە باعدارلامالاۋ جۇمىستارىنا بار بولعانى ءۇش كۇن ۋاقىت جۇمسالدى. وسى قىسقا مەرزىم ىشىندە وقۋشىلار وزدەرىنە بولىنگەن مىندەتتەردى ءتيىمدى ءبولىسىپ, ءبىر-بىرىمەن تىعىز ىنتىماقتاستىقتا جۇمىس ىستەپ, تۋىنداعان تەحنيكالىق ماسەلەلەردى جەدەل شەشىپ وتىردى. بۇل ولاردىڭ كوماندالىق جۇمىسقا بەيىمدىلىگىن ايقىن كورسەتتى.
سقو-دا ءىت-ورتالىقتار اشىلدى: اۋىل جاستارى روبوتوتەحنيكانى مەڭگەرەدى
دايىندىق بارىسىندا سولنتسەۆ داۆيد مەكتەپتە جۇزەگە اسىرعان جوبالارى ارقىلى ءوز قابىلەتىن كورسەتتى. ول Python, Java جانە C++ باعدارلامالاۋ تىلدەرىن ەركىن مەڭگەرگەن, 3D مودەلدەۋ, ۆەب-سايتتارمەن جۇمىس ىستەۋ جانە روبوتتاردى ازىرلەۋ سالاسىندا تاجىريبەسى بار. داۆيد بۇل باعىتقا بالا كۇنىنەن قىزىعىپ, ۇنەمى ءوز ءبىلىمىن جەتىلدىرىپ وتىرادى. سونىمەن قاتار, ول كاسىبي تۇردە فۋتبولمەن اينالىسادى, بۇگىندە «قايرات» فۋتبول كلۋبى جاسوسپىرىمدەر توبىنىڭ مۇشەسى. داۆيد سپورت پەن تەحنيكانى قاتار دامىتىپ, زامانداستارىنا ۇلگى بولىپ جۇرگەن جان-جاقتى وقۋشى.
امانجول راۋان دا بالا كەزىنەن روبوتوتەحنيكامەن تۇراقتى تۇردە اينالىسىپ كەلەدى. ول روبوت قۇراستىرۋ جانە باعدارلامالاۋ باعىتىندا تاجىريبە جيناقتاپ, جاۋاپكەرشىلىگى جوعارى جوبالاردى جۇزەگە اسىرىپ ءجۇر. راۋان دا «قايرات» فۋتبول كومانداسىنىڭ قۇرامىندا ويناپ, تارتىبىمەن, ەڭبەكقورلىعىمەن كوزگە ءتۇسىپ, ۇجىممەن جۇمىس ىستەي الاتىن قابىلەتىن كورسەتىپ كەلەدى.
قاراعاندىلىق وقۋشىلار روبوتوتەحنيكا وليمپياداسىنان ولجالى ورالدى
جايلى مەكتەپتە وقۋشىلاردىڭ ينجەنەريا جانە زاماناۋي تەحنولوگيالار سالاسىنداعى جولى ەندى عانا باستالىپ جاتىر. الدا ولاردى جاڭا جوبالار, تىڭ يدەيالار جانە ۇلكەن جەتىستىكتەر كۇتىپ تۇر. تالانتتى وقۋشىلاردىڭ جەتەكشىسى ايگۇل الداباەۆا.
