«قازاقستان بالالارى» تۇجىرىمداماسى شەڭبەرىندە بالالاردىڭ قۇقىقتارىن قورعاۋ, قاۋىپسىزدىگى جانە ءال-اۋقاتى سالاسىنداعى ۆەدومستۆوارالىق ءوزارا ءىس-قيمىلدى كۇشەيتۋ جونىندەگى شارالار كەشەنى كوزدەلگەن.
«اقمارال شارىپبايقىزى بالالاردىڭ ءىشىپ-جەيتىن تاماعى – ماڭىزدى ماسەلە. بىزدە وكىنىشكە قاراي, بالالار مەن جاسوسپىرىمدەردىڭ كوبىسى فاستفۋدقا, ەنەرگەتيكالىق سۋسىندارعا قۇمار. ءتىپتى كەي كەزدە وعان تاۋەلدى بولىپ قالادى. وسى قاۋىپكە ءبارىمىز بۇكىل ەل بولىپ, قوعام بولىپ تويتارىس بەرۋىمىز كەرەك. بۇل – وتە قاۋىپتى جاعداي. ۇسىنىستار ەنگىزىڭىزدەر», دەپ اتاپ ءوتتى ولجاس بەكتەنوۆ.
بيىلعى جىلدىڭ 1 اقپانىنان باستاپ بارلىق ءبىلىم بەرۋ ۇيىمدارىنا «توسىننان كىرىپ كەلۋ» قاعيداتى بويىنشا ەرەكشە باقىلاۋ مەن قاداعالاۋ ەنگىزىلەدى. تەكسەرۋلەر بالالاردى ساۋىقتىرۋ, ولاردىڭ قاۋىپسىزدىگى مەن تاماقتانۋ ساپاسىنا قاتىستى بولادى.
سونداي-اق ۇكىمەت وتىرىسىندا دەنساۋلىق ساقتاۋ ءمينيسترى اقمارال ءالنازاروۆا دياگنوستيكا مەن ەمدەۋدىڭ وزىق تەحنولوگيالارىن ەنگىزۋ شەتەلدىك كلينيكالارعا جىبەرىلەتىن بالالار سانىن ەكى ەسە ازايتۋعا مۇمكىندىك بەرىپ وتىرعانىن جانە ەلىمىزدەگى ەمحانالاردىڭ 80%-ىندا پەدياتريالىق بولىمشەلەر اشىلعانىن ايتتى.
