ءمينيستدىڭ ايتۋىنشا, بيىل كاتونقاراعاي, زايسان جانە كەندەرلى كۋرورتتىق ايماقتارىنداعى اۋەجايلاردىڭ قۇرىلىسى, سونداي-اق ارقالىق اۋەجايىن قالپىنا كەلتىرۋ جۇمىستارى اياقتالادى. ۆەناعا, ريمگە جانە شانحايعا رەيستەردى قوسقاندا 15 جاڭا حالىقارالىق مارشرۋت اشىلادى.
تەمىرجول تاسىمالىن دا جەتىلدىرۋ جوسپارلانىپ وتىر. وسى ماقساتتا تەمىرجول پاركى 191 جاڭا ۆاگونمەن تولىقتىرىلادى. جازعى كەزەڭدە 13 قوسىمشا مارشرۋت ىسكە قوسىلادى.
سونداي-اق جاڭاوزەن – كەندىرلى جانە وسكەمەن – كاتونقاراعاي باعىتتارىن قوسا العاندا, نەگىزگى كورىكتى جەرلەرگە اپاراتىن 5 مىڭ شاقىرىم جول جوندەلىپ جاتىر.
كاتونقاراعاي تابيعي پاركىندە سيرەك كەزدەسەتىن قۇس فوتوتۇزاققا ءتۇسىپ قالدى
نۇرلان ساۋرانباەۆ تانىمال باعىتتارعا ەرەكشە كوڭىل ءبولىنىپ جاتقانىن تىلگە تيەك ەتتى. ماسەلەن, استانادان, الماتىدان جانە شىعىس وڭىرلەردەن الاكولگە قاتىنايتىن 8 قوسىمشا پويىزدى قوسۋ كوزدەلگەن.
ء«بىز جول بويىنداعى سەرۆيستى دە دامىتىپ جاتىرمىز. 2026 جىلى 50 جاڭا نىسان سالۋ جوسپارلانىپ وتىر. بۇل ءىس-شارالاردى جۇزەگە اسىرۋ جول ءجۇرۋ ۋاقىتىن قىسقارتىپ, تۋريستەرگە قولايلى جاعداي جاسايدى», دەدى نۇرلان ساۋرانباەۆ.
سونداي-اق بۇگىن ۇكىمەت وتىرىسىندا الماتى تاۋ كلاستەرىن, ششۋچە-بۋراباي كۋرورتتىق ايماعىن جانە ماڭعىستاۋدى دامىتۋ جوسپارلارى بەكىتىلگەنى ايتىلدى.
