فوتو: قازمۇنايگاز ءباسپاسوز قىزمەتى
Bloomberg اگەنتتىگىنىڭ دەرەككوزىنە سۇيەنسەك, كەلىسپەۋشىلىك ءونىمدى ءبولۋدىڭ كەلىسىمى اياسىندا تۋعان. قازاقستان تاراپى قاراشىعاناق جوباسىنىڭ وپەراتورلارى مەملەكەت ەسەبىنەن كەلىسىلمەگەن ارتىق شىعىندار مەن وتەلۋگە جاتپايتىن وزگە دە شىعىستاردى جاپقانىن العا تارتقان. بۇل شىعىندار كەيىن ەل بيۋدجەتىنە سالماق تۇسىرگەن.
اتالعان جوبانىڭ وپەراتورلارى قاتارىندا Shell مەن Eni بار. ال كونسورتسيۋم قۇرامىنا Chevron, لۋكويل جانە قازمۇنايگاز كىرەدى.
ءىس لوندوندا جابىق فورماتتا وتكەن حالىقارالىق تورەلىكتە قارالعان.
سوعان قاراماستان, Bloomberg دەرەككوزدەرىنىڭ مالىمەتىنشە, تورەلىك قازاقستان ۇكىمەتىنىڭ ءۋاجىن نەگىزدى دەپ تانىعان. بۇل شەشىم قاراشىعاناق جوباسىنا قاتىسۋشى سەرىكتەستەردىڭ قازاقستانعا 2 ملرد دوللاردان 4 ملرد دوللارعا دەيىن قارجى قايتارۋىنا جول اشۋى مۇمكىن.
