قازىر «2025–2027 جىلدارعا ارنالعان 1 300 مەكتەپتى جاڭالاۋ» جوباسى ىسكە اسىپ جاتىر. بىلتىر 15 مەكتەپتە جوندەۋ-قايتا جاڭارتۋ جۇمىستارى جۇرگىزىلگەن بولسا, بيىل – 9, كەلەر جىلى جىلى 7 ءبىلىم بەرۋ نىسانىن جاڭارتۋ كوزدەلىپ وتىر.
قالا حالقىنىڭ سانى جىل سايىن كەمىندە 10–12 مىڭ ادامعا كوبەيىپ كەلەدى. سوعان وراي وقۋشى ورىندارى دا جەتىسپەيدى. وسىعان قاراماستان, قالادا ءۇش اۋىسىمدى, اپاتتى مەكتەپتەر ماسەلەسى تولىققاندى شەشىلگەن. بىلتىر وقۋشى ورنى جەتىسپەۋشىلىگى 30 مىڭدى قۇراسا, جىل سوڭىنا دەيىن كورسەتكىش 16 مىڭعا ازايدى. بىلتىر «كەلەشەك مەكتەپتەرى» جوباسى اياسىندا الاتاۋ اۋدانىنداعى اقبۇلاق شاعىن اۋدانىندا – №154 (1500 ورىن), تەرەكتى شاعىن اۋدانىندا – №213 (2000 ورىن), سامعاۋ شاعىن اۋدانىندا – №217 (2000 ورىن), قاراسۋ شاعىن اۋدانىندا – №218 (2000 ورىن), ايگەرىم شاعىن اۋدانىندا – №222 (2000 ورىن), ناۋرىزباي اۋدانىندا – №214 (1500 ورىن), وسى اۋدانعا قاراستى قۇرامىس شاعىن اۋدانىندا – №219 (1 500 ورىن) شۇعىلا شاعىن اۋدانىندا – №221 (2500 ورىن), بوستاندىق اۋدانىندا – №215 (1500 ورىن), №224 (2500 ورىن), المالى اۋدانىندا №216 (1500 ورىن), مەدەۋ اۋدانىندا – №220 (2000 ورىن) جالپى ءبىلىم بەرەتىن مەكتەپ پايدالانۋعا بەرىلدى. بيىل العاشقى توقساندا تاعى دا 4 مەكتەپتىڭ قۇرىلىسى باستالادى.
الماتى
