«موي گورود» باسىلىمىنىڭ مالىمەتىنشە, قايعىلى وقيعا 25 قاڭتار كۇنى كەشكى ۋاقىتتا سولتۇستىك كوشەسىندە بولعان.
باتىس قازاقستان وبلىسى توتەنشە جاعدايلار دەپارتامەنتىنىڭ مالىمەتىنشە, ءورت تۋرالى حابار 101 نومىرىنە كەشكى ۋاقىتتا تۇسكەن. وقيعا ورنىنا جەدەل تۇردە ءورت ءسوندىرۋ بولىمشەلەرى جىبەرىلگەن.
تۇركىستان وبلىسىنداعى ورتتەن 12 ادام قازا تاپتى: وقيعا ورنىنان فوتو مەن ۆيدەولار جاريالاندى
قۇتقارۋشىلار كەلگەن كەزدە جەكە تۇرعىن ءۇيدىڭ تولىعىمەن ورتەنىپ كەتكەنى انىقتالعان. ورتەنگەن ءۇيدىڭ ىشىنەن ءۇش ادامنىڭ ءمايىتى تابىلىپ, ءورت وشاعىنان شىعارىلعان.
ء«ورت تولىعىمەن ءسوندىرىلدى. ءورت شارپىعان اۋماق شامامەن 90 شارشى مەتردى قۇرادى. ءورتتىڭ شىعۋ سەبەپتەرى انىقتالىپ جاتىر», دەپ حابارلادى بقو تجد.
ءورتتى سوندىرۋگە تجد-نىڭ 14 قىزمەتكەرى مەن 3 تەحنيكا بىرلىگى جۇمىلدىرىلدى. جالىننىڭ كورشىلەس اۋماققا تارالۋىنا جول بەرىلگەن جوق.
رەسمي دەرەككە سايكەس, اتالعان ۇيدە ءبىر ادام تۇرعان. قازا تاپقان ءۇش ادامنىڭ ولىمىنە قاتىستى ءمان-جايلار مەن ءورتتىڭ شىعۋ سەبەپتەرى انىقتالىپ جاتىر. ءتيىستى ساراپتامالار تاعايىندالدى.
تۇندەگى ءتىلسىز جاۋ: سقو-داعى ءبىر اۋداندا ەكى ادام ورتتەن قازا تاپتى
