«قۇقىق قورعاۋ جۇيەسىن تسيفرلاندىرۋ ۇدەرىسى بىركەلكى ەمەس, ياعني ءار جەردە ارقالاي.ء ار مەكەمە تسيفرلىق جۇيەسىن ءوز بەتىمەن دامىتىپ جاتىر. ءبىرتۇتاس جۇيە جوق. مىسالى, كەيبىر ورگاندار تسيفرلىق تاسىلدەردى ۇتىمدى قولدانىپ جۇمىس ىستەيدى. ال كەيبىرى دۇرىس امال-ءتاسىل تابا الماي, قىرۋار قارجى جۇمساپ ءجۇر. بۇل, باسقا سوزبەن ايتقاندا, ناعىز جىمقىرۋ. سوندىقتان قاراجاتتى ورىنسىز جۇمساپ, جاڭا دۇنيە جاساۋدىڭ قاجەتى جوق. ۇكىمەتكە قولدانىستاعى بارلىق تسيفرلىق شەشىمدەردى سارالاپ, تەكسەرىپ, ولاردىڭ تيىمدىلىگىن ارتتىرۋدى تاپسىرامىن. كۇشتىك قۇرىلىمدارعا ارنالعان تۇسىنىكتى قۇرىلىمى بار جانە تەحنولوگيالىق ستاندارتتارى بىركەلكى بىرىڭعاي تسيفرلىق ەكوجۇيە جاسالۋعا ءتيىس», دەپ اتاپ ءوتتى مەملەكەت باسشىسى.
پرەزيدەنت ازاماتتاردىڭ دەربەس دەرەكتەرىن قورعاۋ قاجەت ەكەنىن دە ايتتى.
«اقپاراتتىق كەڭىستىكتە ازاماتتاردىڭ دەربەس دەرەكتەرى جاريالانىپ كەتكەنى تۋرالى حابار ءجيى شىعىپ جاتادى. دەربەس دەرەكتەردى بارىنشا قورعاۋ ءۇشىن بۇل جۇمىسپەن جۇيەلى تۇردە اينالىسۋ كەرەك», دەدى پرەزيدەنت.
سونىمەن قاتار قاسىم-جومارت توقاەۆ كيبەرقىلمىسپەن كۇرەس تاسىلدەرىن تۇبەگەيلى قايتا قاراۋ قاجەت ەكەنىن ايتتى.
«الەمدە كيبەرقىلمىس ءورشىپ بارادى. جىل سايىن مىڭداعان ازاماتىمىز سونىڭ قۇربانى بولىپ جاتىر. قازىر ينتەرنەتتەگى الاياقتىق قىلمىستاردىڭ بەستەن ءبىرى عانا اشىلادى. بۇل – وتە تومەن كورسەتكىش. كيبەرقىلمىسپەن كۇرەس تاسىلدەرىن تۇبەگەيلى قايتا قاراۋ قاجەت. تسيفرلىق قاتەرگە توتەپ بەرۋ ءۇشىن قۇقىق قورعاۋ ورگاندارى ءبىر قادام الدا جۇرۋگە ءتيىس. وزىق ويلاپ, ارتتا قالماۋدىڭ امالىن تابۋ قاجەت», دەدى ەل پرەزيدەنتى.
ايتا كەتەيىك, بۇگىن 26 قاڭتاردا مەملەكەت باسشىسى باس پروكۋراتۋرادا جيىن وتكىزدى.
بۇعان دەيىن پرەزيدەنت قىسقى وليمپياداعا قاتىساتىن ۇلتتىق قۇراما مۇشەلەرىنە مەملەكەتتىك تۋدى تاپسىرعانىن حابارلاعانبىز.
