فوتو: gov.kz
سەرىك ساپيەۆتىڭ ايتۋىنشا, وبلىستىق سپورت ۇيىمدارىنىڭ باسشىلارىن زاڭسىز روتاتسيالاۋعا ارەكەت جاسالىپ, وعان ورىنباسارى داۋرەن ەسىمحانوۆ تا قاتىسقان. ول وسى ارەكەتتى توقتاتقاننان كەيىن, سالدارى جانجالعا ۇلاسقانىن ايتتى.
«بۇل جەكە نەمەسە تۇرمىستىق جانجال ەمەس. ايماقتا جاسىرىن ىقپالى بار كەيبىر ادامدار تاراپىنان قارسىلىققا تاپ بولدىم. مەملەكەت باسشىسى ايتقانداي, قازاقستاندىق سپورتتاعى جۇيەلى رەفورمالاردى جۇزەگە اسىرۋ جولىنداعى مۇنداي ارانداتۋشىلىقتار ءبىزدىڭ شەشىمىمىزدى شايقالتپايدى», دەدى سەرىك ساپيەۆ.
قاراعاندى وبلىستىق سپورت باسقارماسىنىڭ باسشىسى بۇعان دەيىن دە وقيعاعا قاتىستى پىكىر ءبىلدىرىپ, ادەپ نورمالارىن ساقتاپ, ارانداتۋشىلىققا ەرمەيتىنىن جەتكىزگەن.
ايتا كەتەيىك, قاراعاندى وبلىسىنىڭ اكىمى ەرماعانبەت بولەكپاەۆ ساپيەۆ پەن ەسىمحانوۆ اراسىنداعى جانجالعا قۇقىقتىق باعا بەرىلەتىنىن مالىمدەدى.
