فوتو: ەڭبەك جانە حالىقتى الەۋمەتتىك قورعاۋ مينيسترلىگى
باسقوسۋدا كورەي تاراپى «EP S» (Employment Permit System) باعدارلاماسىنىڭ جۇمىس تارتىبىمەن تانىستىرىپ, ونىڭ كورەيادا جۇمىس كۇشى تاپشى سالالارعا شەتەلدىك ازاماتتاردى زاڭدى تۇردە تارتۋعا باعىتتالعانىن اتاپ ءوتتى. وسى ورايدا قازاقستاننىڭ اتالعان جۇيەگە قوسىلۋ مۇمكىندىگى كەڭىنەن تالقىلاندى.
ەڭبەك مينيسترلىگى وڭتۇستىك كورەيادا جۇرگەن قازاقستان ازاماتتارىنا ۇندەۋ جاسادى
قازاقستان تاراپىنان جۇرگىزىلىپ جاتقان دايىندىق جۇمىستارى جونىندە الماتى وبلىسىنىڭ ءموبيلدى ەڭبەك ورتالىعىنىڭ ديرەكتورى ابىلاي زۋايدا مالىمەت بەردى.
«قازىرگى تاڭدا كەلىسسوزدەردىڭ ەكىنشى كەزەڭى ءوتىپ جاتىر. ءبىرىنشى كەزەڭدە تاراپتار پرەزيدەنتتەر دەڭگەيىندە مەموراندۋمعا قول قويعان بولاتىن. ال ەكىنشى كەزەڭدە قازاقستاننىڭ جۇمىس كۇشىن كورەياعا جىبەرۋگە قانشالىقتى دايىن ەكەنى باعالانادى. وسى ماقساتتا كورەي دەلەگاتسياسى ارنايى كوللەدجدەر مەن وقۋ ورتالىقتارىن ارالاپ, دايىندىق دەڭگەيىمەن تانىسىپ جاتىر. ەگەر بارلىق تالاپتار وڭ باعالانىپ, كەلىسسوزدەر ءساتتى اياقتالسا, الداعى ۋاقىتتا تولىققاندى مەموراندۋمعا قول قويۋ جوسپارلانعان», دەدى ول.
مامانداردىڭ پىكىرىنشە, باعدارلاماعا قوسىلعان جاعدايدا وڭىردە ارنايى وقۋ ورتالىقتارىن اشۋ جوسپارلانىپ وتىر. قازىر وسى باعىتتا ءتيىستى نىساندارمەن تانىسۋ جانە ينفراقۇرىلىمدى مۇمكىندىكتەردى باعالاۋ جۇمىستارى جۇرگىزىلىپ جاتىر. الماتى وبلىسىنىڭ اكىمى بۇل باستامانىڭ تۇرعىنداردى زاڭدى جۇمىسپەن قامتۋعا جانە حالىقارالىق ەڭبەك تاجىريبەسىن يگەرۋگە جول اشاتىنىن اتاپ ءوتتى.
ەڭبەك نارىعىنداعى سايكەسسىزدىك: بوس جۇمىس ورنى كوپ پە الدە جۇمىسسىزدار ما؟
ال كورەي تاراپى تۇپكىلىكتى شەشىم بارلىق دايىندىق كەزەڭدەرى اياقتالعاننان كەيىن كورەيا رەسپۋبليكاسىنىڭ ۆەدومستۆوارالىق كوميسسياسىندا قابىلداناتىنىن جەتكىزدى.
الماتى وبلىسى
