فوتو: قاراعاندى وبلىسى اكىمدىگى
ول اتالعان ماسەلەگە اسىعىس باعا بەرىپ, جەدەل قورىتىندى جاساۋعا بولمايتىنىن ايتتى. اكىمنىڭ ايتۋىنشا, بولعان جاعدايعا ءتيىستى قۇقىقتىق باعا تەكسەرۋ مەن تەرگەۋ اياقتالعاننان كەيىن بەرىلەدى.
ء«تارتىپ بۇزۋشىلىق بار, جانە ول ءۇشىن جاۋاپكەرشىلىك تە بولۋى ءتيىس. سونىمەن قاتار زاڭ تالاپتارىنا قاتاڭ سايكەس, ۇزدىكسىز اتقارىلۋى قاجەت جۇمىس بار. بۇل جونىندە ءبىز بۇعان دەيىن دە اشىق مالىمدەگەنبىز جانە تاعى دا قايتالاپ وتەمىن: اتالعان جاعداي بويىنشا مەملەكەتتىك قىزمەت ىستەرى اگەنتتىگىنىڭ دەپارتامەنتى تەكسەرۋ جۇرگىزەدى, سونداي-اق باسقارمانىڭ قىزمەتىنە كەشەندى اۋديت جاسالادى. قازىرگى ۋاقىتتا وقيعا فاكتىسى بويىنشا تەرگەۋ ءجۇرىپ جاتىر, ءاربىر ارەكەتكە قۇقىقتىق باعا بەرىلەدى», دەدى وبلىس اكىمى اپپاراتتىق كەڭەس بارىسىندا.
وبلىس اكىمى بارلىق مەملەكەتتىك قىزمەتشىلەردىڭ زاڭ تالاپتارى مەن قىزمەتتىك ادەپ نورمالارىن قاتاڭ ساقتاۋى قاجەتتىگىنە توقتالدى.
«قوعامداعى كەز كەلگەن كەلىسپەۋشىلىك پەن جۇمىس بارىسىنداعى داۋلى ماسەلەلەر تەك قۇقىقتىق الاڭدا شەشىلۋى ءتيىس. ءاربىر باسشى ۇجىمداعى تارتىپكە, زاڭنىڭ ساقتالۋىنا جانە مەملەكەتتىك ورگاننىڭ بەدەلىنە جەكە جاۋاپ بەرەدى. مۇنى بارشاڭىز ەستەن شىعارماۋلارىڭىز قاجەت», دەپ تۇيىندەدى ەرماعانبەت بولەكپاەۆ.
سەرىك ساپيەۆ ورىنباسارىمەن توبەلەستى دەگەن جاعدايعا بايلانىستى پىكىر ءبىلدىردى
