فوتو: Massaget.kz / نۇرجان رىسبەكوۆ
ۆيتسە-مينيستر سۋ ايدىندارىنا اەروۆيزۋالدى مونيتورينگ جۇرگىزىپ, يدرولوگيالىق جاعدايدى جانە بيىك تاۋلى مورەنالىق كولدەردىڭ, سەل ۋچاسكەلەرىنىڭ جاي-كۇيىن باقىلادى.
سونداي-اق كەگەن تۇرسىنباەۆ التاي, ۇلكەن-نارىن, كاتونقاراعاي جانە شەمونايحا اۋداندارىنداعى سۋ تاسقىنى قاۋپى بار ۋچاسكەلەرىنە ارنايى بارىپ, اۋدانداردا سۋ تاسىقىنىنىڭ الدىن الۋ بويىنشا اتقارىلعان ينجەنەرلىك جۇمىستارمەن تانىستى.
وبلىستىق توتەنشە جاعدايلار دەپارتامەنتى باستىعى راشيد ءبىلالوۆتىڭ ايتۋىنشا, وڭىردە قورعانىس بوگەتتەرىن جوندەۋ, سۋ بۇرۋ ارنالارىن تازارتۋ جانە تەرەڭدەتۋ, تاسجولداردا كوپىرلەر سالۋ جانە جوندەۋ باعىتىندا 28 ينجەنەرلىك ءىس-شارا ورىندالعان.
«سۋ تاسقىنىنا قارسى ءىس-شارالار ۋاقىتىلى جانە ۇيلەسىمدى جۇمىستى تالاپ ەتەدى. باستى مىندەت – حالىق پەن ينفراقۇرىلىم ءۇشىن تاۋەكەلدەردى بارىنشا ازايتۋ. بارلىق قاجەتتى ينجەنەرلىك قۇرىلىس ىقتيمال سۋ تاسقىنىنا, ال شۇعىل قىزمەتتەردىڭ ماسەلەگە جەدەل دەن قويۋعا دايىن بولۋى ءتيىس. ءبىز جاعدايعا مونيتورينگ جۇرگىزىپ, جەرگىلىكتى اۋماقتا ءىس-قيمىلدى ۇيلەستىرەمىز», دەدى ۆيتسە-مينيستر كەگەن تۇرسىنباەۆ.
ايتا كەتەيىك, «شقو اكىمىنىڭ احۋالدىق ورتالىعى» اقپاراتتىق جۇيەسىندە سۋ تاسقىنى جاعدايىن مونيتورينگتەۋدىڭ بىرىڭعاي كەشەنى جۇمىس ىستەيدى. جۇيە 49 گيدروپوستار بويىنشا الدىن الا 7 كۇندىك بولجام جاساي الادى.
بۇعان دەيىن سۋ تاسقىنىنىڭ الدىن الۋ ماقساتىندا تۇركىستان وبلىسىندا دا وزەن ارنالارى تازارتىلىپ جاتقانىن حابارلاعانبىز.
سونداي-اق جەتىسۋدا دا سۋ تاسقىنىنىڭ الدىن الۋ جۇمىستارى قارقىن الدى.
