فوتو: اشىق دەرەككوزدەن
مەملەكەتتىك كىرىستەر كوميتەتى ءباسپاسوز قىزمەتىنىڭ مالىمەتىنشە, 2025 جىلعى 17 جەلتوقسانداعى شەشىمگە سايكەس مىناداي قۇجاتتاردى بەكىتۋ جوسپارلانىپ وتىر:
ميكرو جانە شاعىن بيزنەس سۋبەكتىلەرىن تاراتۋ جانە ولاردىڭ قىزمەتىن توقتاتۋ قاعيدالارى;
2026 جىلعى 1 قاڭتارداعى جاعداي بويىنشا قالىپتاسقان جانە 2026 جىلعى 1 ساۋىرگە دەيىن وتەلگەن سالىق بەرەشەگى بولعان جاعدايدا ءوسىمپۇلدار مەن ايىپپۇلداردى, سونداي-اق قوسىلعان قۇن سالىعى بويىنشا تىركەۋ ەسەبىنە ۋاقتىلى قويىلماعانى ءۇشىن سالىنعان ايىپپۇلداردى ەسەپتەن شىعارۋ قاعيدالارى;
اتالعان قاعيدالار 2026 جىلعى 12 قاڭتاردا «اشىق نقا» پورتالىندا قوعامدىق تالقىلاۋعا ۇسىنىلادى. جوبا قولداۋ تاپسا وسى جىلدىڭ اقپان ايىنىڭ باسىندا قابىلدانادى.
قوسىمشا ۇيىمداستىرۋشىلىق جەدەل شارالار
1. كامەرالدىق باقىلاۋ
كامەرالدىق باقىلاۋ بەيرەزيدەنتتەردىڭ تابىستارىنا سالىق سالۋ;
كورسەتىلگەن سالىق كەزەڭدەرى ءۇشىن 2025 جىلعى 17 جەلتوقساننان كەيىن قوسىمشا سالىقتىق ەسەپتىلىكتى ۇسىنۋ;
2025 جىلعى 17 جەلتوقساننان كەيىن سالىقتىق ەسەپتىلىكتىڭ كەرى قايتارىپ الىنۋى;
سالىق تولەۋشىنىڭ سالىق زاڭناماسىندا كوزدەلگەن, كامەرالدىق باقىلاۋدى جۇرگىزۋدى تالاپ ەتەتىن وتىنىشتەردى جانە (نەمەسە) تالاپتاردى ۇسىنۋى;
بيۋدجەتتەن ققس قايتارۋ جونىندەگى مەملەكەتتىك قىزمەت كورسەتۋ شەڭبەرىندە قىزمەت الۋشىنىڭ قىزمەت كورسەتۋشىلەرىنە قاتىستى جاعدايلاردى قوسپاعاندا, 2025 جىلعى 17 جەلتوقسانعا دەيىن ۇسىنىلعان جانە 2026 جىلعى 1 قاڭتارعا دەيىنگى سالىق كەزەڭدەرى ءۇشىن ەسەپتەلگەن سالىقتىق مىندەتتەمەلەر بويىنشا بەرىلگەن سالىقتىق ەسەپتىلىككە قاتىستى جۇرگىزىلمەيدى.
بۇل شەكتەۋ 2025 جىلعى 17 جەلتوقسان كۇنىن نەگىزگە الا وتىرىپ ەنگىزىلدى جانە 2025 جىلدىڭ ەكىنشى جارتىجىلدىعى ءۇشىن وڭايلاتىلعان دەكلاراتسيانى, سونداي-اق 2025 جىلدىڭ ءتورتىنشى توقسانى ءۇشىن وزگە دە دەكلاراتسيالاردى سالىقتىق مىندەتتەمەلەردى كورسەتپەي ۇسىنۋ تاۋەكەلدەرىن بارىنشا ازايتۋ ماقساتىندا بەلگىلەندى.
2. سالىقتىق تەكسەرۋلەر
2026 جىلعى 1 قاڭتارعا دەيىنگى سالىق كەزەڭدەرى ءۇشىن سالىقتىق تەكسەرىستەر جۇرگىزىلمەيدى.
بىراق 2026 جىلعى 1 قاڭتارعا دەيىن تاعايىندالعان تەكسەرىستەر جۇرگىزىلەدى;
قارسى سالىقتىق تەكسەرىستەر جۇرگىزىلەدى;
سونداي-اق مىناداي جاعدايدا تاعايىندالعان تەكسەرىستەر: قىلمىستىق-پروتسەستىك زاڭناماعا سايكەس;
پروكۋراتۋرا ورگاندارىنىڭ اكتىلەرى مەن تالاپتارىنا سايكەس;
دەبيتورلارمەن ءوزارا ەسەپتەۋلەردى انىقتاۋ ماقساتىندا;
كاسساداعى شىعىستاردى ۋاقىتشا توقتاتۋ جونىندەگى تاپسىرمالاردى ورىنداۋ ءۇشىن;
جەر قويناۋىن پايدالانۋشىلارعا قاتىستى;
سالىق تولەۋشىلەردىڭ وتىنىشتەرى مەن تالاپتارىنا سايكەس;
سالىقتىق تەكسەرىس ناتيجەلەرىنە قاتىستى شاعىمداردى قاراۋ ءۇشىن;
2025 جىلعى 17 جەلتوقساننان كەيىن سالىقتىق ەسەپتىلىك ۇسىنىلعان نەمەسە كەرى قايتارىلعان كەزدە;
كامەرالدىق باقىلاۋ كەزىندە انىقتالعان بۇزۋشىلىقتاردى راستاۋ ماقساتىندا تاعايىندالعان تەكسەرىستەر جۇرگىزىلەدى.
تاكسي قىزمەتى: سالىق كودەكسى جۇرگىزۋشىلەرگە قالاي اسەر ەتەدى؟
3. سوتتىق تالاپ-ارىزدار
ميكرو جانە شاعىن كاسىپكەرلىك سۋبەكتىلەرى اراسىندا 2026 جىلعى 1 قاڭتارعا دەيىن جاسالعان مامىلەلەردى جارامسىز دەپ تانىلادى. 2026 جىلعى 1 قاڭتارعا دەيىن جۇرگىزىلگەن تىركەۋ (قايتا تىركەۋ) ارەكەتتەرىن جارامسىز دەپ تانۋ تۋرالى تالاپ-ارىزدار بەرۋ توقتاتىلادى. قۇقىق قورعاۋ ورگاندارىنىڭ ماتەريالدارى نەگىزىندە باستالعان تالاپ-ارىزدار بۇل شەكتەۋگە ەنبەيدى.
4. اكىمشىلىك جاۋاپكەرشىلىك
2026 جىلعى 1 قاڭتاردان باستاپ قوسىلعان قۇن سالىعى بويىنشا تىركەۋگە ۋاقتىلى قويماعانى ءۇشىن;
قوسىلعان قۇن سالىعى بويىنشا تىركەۋگە قويىلماعان كەزەڭدەگى اينالىمدار ءۇشىن;
2026 جىلعى 1 قاڭتارعا دەيىنگى سالىق كەزەڭدەرى بويىنشا سالىقتىق ەسەپتىلىكتى تاپسىراماعانى ءۇشىن ميكرو جانە شاعىن كاسىپكەرلىك سۋبەكتىلەرى بويىنشا اكىمشىلىك قۇقىق بۇزۋشىلىق ىستەرىن قوزعاۋ توقتاتىلادى.
«تازا پاراق» ءتاسىلىن جۇزەگە اسىرۋ ارقىلى اكىمشىلىك جانە فيسكالدىق جۇكتەمەنى ازايتۋ;
ميكرو جانە شاعىن بيزنەستى قولداۋ;
كاسىپكەرلەردى جۇرگىزىلىپ جاتقان سالىقتىق جانە ينستيتۋتسيونالدىق رەفورمالارعا بەيىمدەۋگە جاعداي جاساۋ كوزدەلىپ وتىر.
سونىمەن قاتار, پرەمەر-مينيستر ولجاس بەكتەنوۆتىڭ فيسكالدىق ساياساتتى دامىتۋ جانە مەملەكەتتىك كىرىستەر كوميتەتىنىڭ اقپاراتتىق جۇيەلەرىن تسيفرلاندىرۋ ماسەلەلەرى بويىنشا وتكەن كەڭەستە بەرگەن تاپسىرماسىنا سايكەس, قارجى مينيسترلىگى سالىق كودەكسىندەگى وزگەرىستەرگە بيزنەستىڭ بىرقالىپتى بەيىمدەلۋىن قامتاماسىز ەتۋ ماقساتىندا 2026 جىل بويى ميكرو جانە شاعىن بيزنەسكە ءوسىمپۇلدار مەن ايىپپۇلداردى ەسەپتەمەۋ ماسەلەلەرىن قوسىمشا پىسىقتاپ جاتىر.
