فوتو: ortcom.kz
ءىس-شارا consot_kz, constcouncil.kz رەسمي الەۋمەتتىك جەلىلەردەگى پاراقشالاردا تىكەلەي ەفيردە كورسەتىلەدى. تىكەلەي ەفير ساعات 10:00-دە باستالادى.
ەسكە سالايىق, قازاقستان پرەزيدەنتى كونستيتۋتسيالىق كوميسسيانى قۇرۋ تۋرالى جارلىققا قول قويعان بولاتىن.
كوميسسيا قۇرامىنا ۇلتتىق قۇرىلتاي مۇشەلەرى, تانىمال زاڭگەرلەر, بۇقارالىق اقپارات قۇرالدارىنىڭ باسشىلارى, ءماسليحات توراعالارى جانە قوعامدىق كەڭەستەردىڭ وكىلدەرى كىرەتىن 100-دەن استام ادام ەندى. كوميسسيا جۇمىسىنا كونستيتۋتسيالىق سوتتىڭ توراعاسى جەتەكشىلىك ەتەدى.
كونستيتۋتسيالىق كوميسسيانى قۇرۋ تۋرالى شەشىم پرەزيدەنت تاراپىنان ۇلتتىق قۇرىلتايدىڭ وتىرىسىندا جاريالانعان ەدى. مەملەكەت باسشىسىنىڭ ايتۋىنشا, باستاپقىدا پارلامەنتتىك رەفورما اياسىندا نەگىزگى زاڭنىڭ شامامەن 40 بابىن وزگەرتۋ جوسپارلانعان, الايدا جۇمىس بارىسىندا تۇزەتۋلەردىڭ الدەقايدا كوپ قاجەت ەكەنى بەلگىلى بولعان.
ەرلان قارين: كونستيتۋتسيالىق كوميسسيانىڭ قۇرىلۋى تاريحي وقيعا
پرەزيدەنت كوميسسيا بارلىق ۇسىنىستى جان-جاقتى زەردەلەپ, جۇيەلەيتىنىن, سودان كەيىن ناقتى وزگەرىستەر جوباسى ازىرلەنەتىنىن اتاپ ءوتتى. تەك وسىدان كەيىن عانا جالپىۇلتتىق رەفەرەندۋم وتكىزۋ مەرزىمى ايقىندالادى.
ءۇنزيلا شاپاق: كونستيتۋتسيانىڭ پرەامبۋلاسىن جاڭارتۋ ەلدىڭ يدەولوگيالىق باعىتىن ايقىندايدى
ەسكە سالايىق, 24 قاڭتاردا كونستيتۋتسيالىق رەفورما جونىندەگى كوميسسيانىڭ العاشقى وتىرىسى ءوتتى.
