«ۇلتتىق قۇرىلتايدىڭ بەسىنشى وتىرىسىندا مەملەكەت باسشىسى «بىرنەشە جىل بويى مۇقيات قالىپتاستىرىپ كەلە جاتقان ساياسي قۇرىلىمنىڭ ۇيلەسىمدى ءتۇيىنى» رەتىندە تاريحي ءارى ماڭىزدى ۇسىنىس ايتتى. پرەزيدەنت بىرقاتار ەلدە بار ۆيتسە-پرەزيدەنت ينستيتۋتىن ەنگىزۋدى ۇسىندى. مەملەكەت باسشىسىنىڭ ءوزى اتاپ وتكەندەي, ء«بىزدىڭ جاعدايىمىزدا بۇل لاۋازىمدى ەنگىزۋ مەملەكەتتى باسقارۋ پروتسەسىن تۇراقتاندىرادى. سونداي-اق بيلىك يەرارحياسىن ءبىرجولا ايقىنداپ بەرەدى». سونىمەن قاتار رەفورمالاردىڭ جاڭا كەزەڭىندە قوعام دامۋىنىڭ بارلىق ماسەلەسىنە قاتىستى تۇراقتى جالپىۇلتتىق ديالوگ جۇرگىزۋ ءۇشىن اۋقىمدى پلاتفورما رەتىندە قازاقستاننىڭ حالىق كەڭەسىن قۇرۋ ۇسىنىلدى», دەدى ە.جيەنباەۆ.
ەلۆيرا ازيموۆا كونستيتۋتسيالىق رەفورمانىڭ باستى ماقساتى مەن مىندەتتەرىن اتادى
ونىڭ ايتۋىنشا, اتالعان ورگان حالقىمىزدىڭ ىنتىماق-بىرلىگىن نىعايتۋعا ىقپال ەتەتىن نەگىزگى قوعامدىق-ساياسي بىرلەستىكتەر مەن قۇرىلىمداردى قوسىپ, قازاقستان حالقى اسسامبلەياسى مەن ۇلتتىق قۇرىلتايدىڭ ستراتەگيالىق فۋنكتسيالارىن ورىنداۋدى جالعاستىرادى. وسى ەكى ماڭىزدى ينستيتۋت بويىنشا نەگىزگى ەرەجەلەر كونستيتۋتسيا دەڭگەيىندە ءتيىستى رەگلامەنتتەۋدى تالاپ ەتەدى.
«ۆيتسە-پرەزيدەنتتى جالپى دەپۋتاتتار سانىنىڭ كوپشىلىك داۋىسىمەن بىلدىرىلگەن قۇرىلتايدىڭ كەلىسىمىمەن پرەزيدەنت تاعايىندايدى. ۆيتسە-پرەزيدەنتتى قىزمەتىنەن پرەزيدەنت بوساتاتىن بولادى», دەدى ە.جيەنباەۆ.
ۆيتسە-پرەزيدەنت:
– پرەزيدەنتتىڭ تاپسىرماسى بويىنشا قازاقستان رەسپۋبليكاسىنىڭ حالىقارالىق قاتىناستارداعى مۇددەلەرىن بىلدىرەدى;
– قۇرىلتايمەن, ۇكىمەتپەن جانە وزگە دە مەملەكەتتىك ورگاندارمەن ءوزارا ءىس-قيمىل بارىسىندا پرەزيدەنتتىڭ اتىنان وكىلدىك ەتەدى. سونىمەن قاتار ۆيتسە-پرەزيدەنت قازاقستان رەسپۋبليكاسى پرەزيدەنتى اتىنان قازاقستان رەسپۋبليكاسىنىڭ جانە شەتەلدەردىڭ قوعامدىق-ساياسي, عىلىمي جانە مادەني-اعارتۋشىلىق ۇيىمدارىمەن قارىم-قاتىناس ورناتادى.
كونستيتۋتسيالىق رەفورما جونىندەگى كوميسسيانىڭ العاشقى وتىرىسى باستالدى
ۆيتسە-پرەزيدەنتتىڭ وزگە دە وكىلەتتەرى پرەزيدەنتپەن ايقىندالادى. ۆيتسە-پرەزيدەنت ينستيتۋتىنىڭ ەنگىزىلۋىنە بايلانىستى كونستيتۋتسيادان مەملەكەتتىك كەڭەسشى تۋرالى نورمالار الىنىپ تاستالادى. كونستيتۋتسيا دەڭگەيىندە ۆيتسە-پرەزيدەنتكە قويىلاتىن تالاپتاردى كوزدەۋ قاجەت. ۆيتسە-پرەزيدەنت وكىلدى ورگاننىڭ دەپۋتاتى بولماۋعا, وزگە دە اقىلى لاۋازىمداردى اتقارماۋعا جانە كاسىپكەرلىك قىزمەتتى جۇزەگە اسىرماۋعا ءتيىس. ءوز وكىلەتتىكتەرىن جۇزەگە اسىرۋ كەزەڭىندە ۆيتسە-پرەزيدەنت ساياسي پارتيانىڭ مۇشەسى بولماۋ كەرەك. مۇنداي ءتارتىپ ساياسي باسەكەلەستىكتى ارتتىرۋعا جانە بارلىق پارتيالاردىڭ دامۋى ءۇشىن تەڭ جاعدايدى قامتاماسىز ەتۋگە باعىتتالعان ۇستانىمعا سايكەس كەلەدى.
