قازىر اتالعان فيلارمونيانىڭ جانىنان قۇرىلعان بىرنەشە ونەر ۇجىمى بار. سونىڭ ءبىرى – دارىندى كۇيشى ق.احمەدياروۆ اتىنداعى «نارىن» حالىق اسپاپتارى وركەسترى, ەكىنشىسى – «مۇراگەر» فولكلورلىق ءانسامبلى. ال ء«ىنجۋ مارجان» بي ءانسامبلىنىڭ بيشىلەرى ءتۇرلى سايىستار مەن مادەني ءىس-شارادا لايىقتى ونەر كورسەتىپ ءجۇر. سونداي-اق ەسترادالىق وركەستر, كامەرالىق انسامبل مەن «دارىن» حورى ونەرسۇيەر قاۋىمنىڭ ىستىق ىقىلاسىنا بولەندى.
جاقىندا فيلارمونيا جانىنان تاعى ءبىر ونەر ۇجىمى قۇرىلىپ, «سارايشىق» اتاۋى بەرىلدى. انسامبلگە حالىقارالىق جانە رەسپۋبليكالىق بايقاۋلاردىڭ لاۋرەاتى, شەرتەر اسپابىنىڭ شەبەرى ارتۋر قازيەۆ جەتەكشىلىك ەتەدى. ونىڭ ايتۋىنا قاراعاندا, ونەر ۇجىمىنىڭ اتاۋىنا قاتىستى ءتۇرلى نۇسقا قارالىپتى. بىراق تاڭداۋ سارايشىق اتاۋىنا ءتۇسىپتى.
«ويتكەنى كەيىنگى جىلدارى سارايشىقتاعى ەجەلگى تاريحي قالاشىققا كەلەتىن شەتەلدىك تۋريستەر كوبەيدى. تاريحشىلار مەن زەرتتەۋشىلەر نازارى اۋا باستادى. وسىنداي سەبەپتەردى ەسكەرىپ, ورتاعاسىرلىق تاريحي مەكەننىڭ اتاۋى ارقىلى ءانسامبلدىڭ قاي وڭىردەن ەكەنىن بىلۋگە بولادى. باستى ماقساتىمىز – ءوڭىردىڭ مادەنيەتى مەن ونەرىنە ۇلەسىمىزدى قوسۋدى ءجون كوردىك», دەيدى ا.قازيەۆ.
انسامبل جەتەكشىسىنىڭ سوزىنشە, ونەر ۇجىمىندا 10 ادام بار. ءبارى دە – ۇلتتىق اسپاپتاردا ويناۋدى جەتىك مەڭگەرگەن كاسىبي مۋزىكانت.
«قازاقتىڭ سازى ءبىر-بىرىنە ۇقسامايتىن ءانى دە, كۇيى دە كوپ. ءبىز حالقىمىزدىڭ مۋزىكالىق باي مۇراسىن وسى زامانعى ستيلمەن ۇيلەستىرە وڭدەپ, تىڭدارمانعا ۇسىنۋدى ءجون كوردىك. ءانسامبلدىڭ باستى ەرەكشەلىگى – حالقىمىزدىڭ فولكلورلىق اسپاپتارىن كوبىرەك قولدانۋ. بالكىم, الداعى كەزەڭدە وزگە وڭىرلەر مەن ەلدەرگە قازاقتىڭ ونەرىن تانىستىرىپ, «سارايشىق» اتاۋىن برەندكە اينالدىرۋدى ويلاستىردىق», دەيدى انسامبل جەتەكشىسى.
اتىراۋ وبلىسى
