قالانىڭ قىلمىستىق ىستەر جونىندەگى اۋدانارالىق سوتى 2026 جىلعى 21 قاڭتاردا ازاماتتار ن. مەن ا.-عا قاتىستى ۇكىم جاريالادى. تەرگەۋ بارىسىندا ن.-نىڭ مەديتسينالىق ۇيىمنىڭ قۇرىلتايشىسى رەتىندە 2023 جىلعى ءساۋىر مەن شىلدە ارالىعىندا ازاماتتاردى ءوز كلينيكاسىنا جالعان تىركەۋ سحەماسىن ۇيىمداستىرعانى انىقتالدى. ماقسات الەۋمەتتىك مەديتسينالىق ساقتاندىرۋ قورىنىڭ قارجىسىن يەمدەنۋ بولعان.
قىلمىستىق جوسپاردى ىسكە اسىرۋ ءۇشىن ن. «دەنساۋلىق ساقتاۋدى دامىتۋ ۇلتتىق عىلىمي ورتالىعىنىڭ» استانا فيليالىندا جۇمىس ىستەيتىن مامان ا.-عا زاڭسىز تىركەۋ وتىنىمدەرىن بەكىتىپ بەرۋ جونىندە اقشالاي سىياقى ۇسىنعان. ا. بۇل ۇسىنىسقا كەلىسىپ, قىزمەتتىك مۇمكىندىگىن پايدالانا وتىرىپ, جالعان وتىنىمدەردى راستاعان.
1 قاڭتاردان باستاپ ءمامس جۇيەسىنە بىرقاتار وزگەرىس ەنگىزىلەدى
ناتيجەسىندە مەديتسينالىق ۇيىمعا 15 مىڭنان استام ازامات قاعاز جۇزىندە تىركەلىپ, قور قارجىسى زاڭسىز الىنعان. ماماندار قورىتىندىسىنا سايكەس, كەلتىرىلگەن جالپى شىعىن شامامەن 80 ملن تەڭگەنى قۇرايدى. سونىڭ 7,5 ملن تەڭگەسى ا.-نىڭ تىكەلەي ارەكەتتەرىنەن كەلگەن ماتەريالدىق زالال رەتىندە باعالانعان. زاڭسىز الىنعان قاراجات ەكى ايىپتالۋشى اراسىندا بولىنگەن.
ءمامس جۇيەسىندەگى ولقىلىقتار: قايتىس بولعان ادام دارىگەر قابىلداۋىندا بولعان
سوتتا پروكۋرور ن.-عا 5 جىل, ال ا.-عا 2 جىل 8 اي باس بوستاندىعىنان ايىرۋ جازاسىن سۇرادى. ايىپتالۋشىلار كىنالارىن تولىق مويىنداپ, قورعاۋ تاراپى شارتتى جازا تاعايىنداۋدى وتىنگەن. كىنا مويىنداۋ كورسەتىلىمدەرى, جابىرلەنۋشى مەن كۋالاردىڭ ايعاقتارى, سونداي-اق مامان قورىتىندىسى قىلمىستى دالەلدەيتىن نەگىز رەتىندە تانىلدى.
ءمامس: 2026 جىلى ساقتاندىرۋ ەسەبىنەن ەمدەلەتىن اۋرۋلار ءتىزىمى كەڭەيتىلدى
سوت جەڭىلدەتەتىن ءمان-جايلار رەتىندە كامەلەتكە تولماعان بالالارىنىڭ بارىن, كىنانى مويىنداۋدى, شىن جۇرەكتەن وكىنۋدى جانە بۇرىن سوتتالماعانىن ەسكەردى. اۋىرلاتاتىن ءمان-جايلار انىقتالعان جوق. الايدا كەلتىرىلگەن ءىرى كولەمدەگى شىعىن وتەلمەگەنى نازارعا الىندى.
وسىعان بايلانىستى ن. ورتاشا قاۋىپسىزدىك مەكەمەسىندە 5 جىل باس بوستاندىعىنان ايىرۋ جازاسىنا كەسىلدى. ا.-عا 3 جىل جازا تاعايىندالىپ, امنيستيا تۋرالى زاڭعا سايكەس مەرزىم 1/5 بولىككە قىسقارتىلىپ, تۇپكىلىكتى 2 جىل 4 اي بولىپ بەلگىلەندى.
ۇكىم ازىرگە زاڭدى كۇشىنە ەنگەن جوق.
