iVision Tech توبى فرانتسۋزدىق پرەميۋم ساناتتاعى Henry Jullien برەندىنىڭ يەسى. كومپانيانىڭ مالىمەتىنشە, ماكرون تاققان مودەل − Pacific S 01. اتالعان كوزىلدىرىكتىڭ رەسمي سايتتاعى باعاسى 659 ەۋرو, ياعني شامامەن 770 دوللار.
بەيبىتشىلىك كەڭەسى بۇۇ-عا بالاما قۇرىلىمعا اينالۋى مۇمكىن بە؟
كومپانيا باس ديرەكتورى ستەفانو فۋلچير Reuters اگەنتتىگىنە بەرگەن تۇسىنىكتەمەسىندە:
«بۇل جاعداي اكتسياعا شىن مانىندە تاڭداي قاقتىرارلىق اسەر بەردى», دەدى. ونىڭ ايتۋىنشا, اكتسيا باعاسىنىڭ ءوسۋى ناتيجەسىندە يتاليالىق كومپانيانىڭ نارىقتاعى كاپيتاليزاتسياسى شامامەن 3,5 ملن ەۋروعا, ياعني 4,1 ملن دوللارعا ارتقان.
ماكروننىڭ سىرت كەلبەتىنە قاتىستى مەمدەر مەن پىكىرلەر الەۋمەتتىك جەلىلەردە قارشا جاۋدى. كوپشىلىك ونى 1986 جىلى جارىق كورگەن Top Gun فيلمىندەگى توم كرۋزدىڭ بەينەسىمەن سالىستىردى.
ءتىپتى اقش-تىڭ بۇرىنعى پرەزيدەنتى دونالد ترامپ تا بۇل تاقىرىپتان تىس قالمادى.
پرەزيدەنتتىڭ كەڭسەسى كوزىلدىرىكتىڭ جابىق عيماراتتا تاعىلۋىن كوزدەگى قان تامىرىنىڭ جارىلۋىمەن بايلانىستىردى. الايدا كوزىلدىرىكتىڭ ناقتى برەندى رەسمي تۇردە راستالمادى. سوعان قاراماستان, ستەفانو فۋلچير بۇل Henry Jullien ءونىمى ەكەنىنە كۇمانى جوق ەكەنىن ايتىپ, اتالعان كوزىلدىرىكتى ماكرونعا 2024 جىلى ءوزى جولداعانىن جەتكىزدى.
ميلاندا تىركەلگەن كومپانيانىڭ اكتسيالارى سارسەنبى كۇنى الدىمەن شامامەن 6 پايىزعا ءوسىپ, كەيىن ساۋدا اۆتوماتتى تۇردە توقتاتىلعان. بەيسەنبى كۇنى GMT ۋاقىتىمەن 11:15 شاماسىندا قايتا ساۋداعا ءتۇسىپ, كوپ ۇزاماي تاعى دا توقتاتىلدى. ناتيجەسىندە اكتسيالار ءبىر كۇندىك ءوسىم بويىنشا كومپانيا تاريحىنداعى ەڭ جوعارى كورسەتكىشكە جاقىندادى.
داۆوستاعى دۇنيەجۇزىلىك ەكونوميكالىق فورۋم الاڭىندا تاعىلعان ءبىر اكسەسسۋاردىڭ ءوزى نارىقتا وسىنداي اسەر تۋدىردى. بۇل جاعداي ساياسات, ستيل جانە قور نارىعىنىڭ قالاي توعىسا الاتىنىن ايقىن كورسەتتى.
