جەڭىل نەسيە – جارىم نەسىبە

جوبا العاش قولعا الىنعان 2023 جىلعى دەرەكتەرگە سۇيەنسەك, اباي وبلىسىنا 2,059 ملرد تەڭگە ءبولىنىپ, 6 اۋدان, 96 اۋىلدىق وكرۋگتى قامتىعان. ناتيجەسىندە, وڭىردە 280 جاڭا جۇمىس ورنى اشىلىپ, 210 ادام وزدەرىنىڭ جەكە كاسىپكەرلىگىن تىركەدى. بۇل كورسەتكىشتەردەن اۋىل تۇرعىندارىنىڭ كاسىبىن دامىتىپ, اۋىل ەكونوميكاسىن ارتتىرعانى بايقالادى.

«اۋىل اماناتى» جوباسىنىڭ نەگىزگى باعىتى – مال شارۋاشىلىعى مەن اۋىل شارۋاشىلىعىن دامىتۋعا جەڭىلدەتىلگەن نەسيە بەرۋ. قازىر قارىز بەرۋ شارتتارى بارىنشا جەڭىلدەتىلدى. نەسيەلەر جىلدىق 2,5% مولشەرلەمەمەن 5 جىلعا دەيىن, مال شارۋاشىلىعى سالاسىنداعى جوبالارعا 7 جىلعا دەيىن بەرىلەدى. ەڭ جوعارى نەسيە قارجىسى 2,5 مىڭ ايلىق ەسەپتىك كورسەتكىشكە (اەك) دەيىن, اۋىل شارۋاشىلىعى كووپەراتيۆتەرىن دامىتۋ-عا – 8 مىڭ اەك-كە دەيىن بەلگىلەنگەن», دەيدى ماماندار.

بۇل مۇمكىندىكتەردىڭ ارقاسىندا فەرمەرلەر تەك مال, تۇقىم, اۋىل شارۋاشى-لى­عى تەحنيكاسىن, قۇرال-جابدىقتارىن ساتىپ الىپ قانا قويماي, قايتا وڭدەۋ كاسىپورىندارىن ىسكە قوسىپ, بال اراسىن ءوسىرۋ ءىسىن دامىتىپ, ءتىپتى ناۋبايحانالار مەن جارتىلاي فابريكاتتار وندىرەتىن تسەحتار سىندى اۋىل شارۋاشىلىعىنا جاتپايتىن كاسىپورىندار اشا الادى. ايتالىق, كەيىنگى جىلدارى اباي وبلىسىندا 363 نەسيە, ونىڭ ىشىندە: 199 نەسيە – ءىرى قارا مال ساتىپ الۋعا (2 709 باس), 22 نەسيە – ۇساق مال ساتىپ الۋعا (2 120 باس), 132 نەسيە – جىلقى ساتىپ الۋعا (2 015 باس), 4 نەسيە – بال شارۋاشىلىعىن دامىتۋعا (323 ارا ۇياسى), 6 نەسيە اۋىل شارۋاشىلىعىنا جاتپايتىن بيزنەس اشۋعا بەرىلگەن.

«اۋىل اماناتى» جوباسى اۋىلدى جەرلەردە جاڭا جۇمىس ورىندارىن قۇرۋعا دا ءوز سەپتىگىن تيگىزىپ وتىر. مىسالى, اياگوز اۋدانىنداعى وركەن اۋىلىنىڭ تۇرعىنى شاعات ەكەەۆ «اۋىل اماناتى» جوباسى اياسىندا 2,5%-بەن جەڭىلدەتىلگەن نەسيە الىپ, جەكە شارۋاشىلىعىن دامىتىپ وتىر.

«اۋىل اماناتى» جوباسى – اۋىلداعى اعايىنعا بەرىلگەن زور مۇمكىندىك. جوبا اياسىندا 4 600 000 تەڭگە كولەمىندە نەسيە الىپ, اتا كاسىپتى, ياعني جىلقى ءوسىرۋدى قولعا الدىم. قازىر اسىل تۇقىمدى 11 باس جىلقىم بار. بۇرىن ارمان بولىپ كورىنگەن شارۋانى ەندى ناقتى جۇزەگە اسىرىپ وتىرمىن. وسىنداي قولداۋ كورسەتىلگەنىنە العىسىم شەكسىز. ويتكەنى وڭىردە باسقا دا كاسىپتەر قولعا الىنىپ جاتىر. مۇنداي جوبالار ارقىلى اۋىلىمىز كوركەيىپ كەلەدى. ەڭ باستىسى – تۋعان جەردە تۇراقتى تابىس تا-ۋىپ, بالا-شاعا نەسىبەسىن اۋىلدان ايىرىپ وتىرعانعا نە جەتسىن», دەيدى ش.ەكەەۆ.

وبلىستىق ءباسپاسوز قىزمەتىنىڭ مالىمەتىنشە, 2023 جىلدان بەرى «اۋىل اماناتى» جوباسى ءساتتى جۇزەگە اسىرىلىپ, رەسپۋبليكا كولەمىندە 116 ملرد تەڭگەگە 17 مىڭنان استام شاعىن نەسيە بەرىلىپ, 20 مىڭعا جۋىق جۇمىس ورنى اشىلعان.

سونىمەن قاتار اۋىلدىق جەرلەردە مامانداردى ساقتاپ قالۋ ماقساتىندا «ديپلوممەن – اۋىلعا» باعدارلاماسى دا جۇزەگە اسىرىلىپ جاتىر. بىلتىر 3 700 جاس مامان تۇرعىن ءۇي كومەگىنە يە بولسا, ونىڭ 99-ى – اباي اۋدانىندا, بۇل ماقساتقا 788 ملن تەڭگە بولىنگەن. الداعى ۋاقىتتا وبلىستا تاعى 105 مامانعا كومەك كورسەتۋ جوسپارلانىپ وتىر.

اباي وبلىسى