فوتو: اشىق دەرەككوز
بەدەلدى حالىقارالىق دودادا جاستار مەن جاسوسپىرىمدەر اراسىندا 900-گە جۋىق سپورتشى باق سىنايدى. بۇل سىندا وزبەكستان, قىرعىزستان ەلدەرىنەن, سونداي-اق, قازاقستاننىڭ 15 وڭىرىنەن كەلگەن ۇزدىك كاراتەشىلەر ءوزارا ايقاسادى. «Shymkent Open» جاس سپورتشىلار ءۇشىن حالىقارالىق دەڭگەيدە تاجىريبە جيناقتاپ, شەبەرلىگىن شىڭداۋعا مۇمكىندىك بەرەتىن ماڭىزدى سپورتتىق جارىس دەۋگە بولادى. سونداي-اق حالىقارالىق تۋرنير وڭىردە كاراتە سپورتىن دامىتۋعا, جاس سپورتشىلاردى قولداۋعا باعىتتالىپ وتىر.
قاراعاندىلىق كاراتەشىلەر الەم چەمپيوناتىندا ەكى التىن مەدال جەڭىپ الدى
ءتۋرنيردىڭ سالتاناتتى اشىلۋ راسىمىندە شىمكەنت قالاسى اكىمىنىڭ ورىنباسارى سارسەن قۇرانبەك ءسوز الىپ, شاھاردا كاراتە سپورتى وركەندەپ كەلە جاتقانىن ەرەكشە اتاپ ءوتتى. توكيو وليمپياداسىندا قالا سپورتشىلارى ەكى قولا جۇلدەگە يە بولعانىن, وتكەن جىلى سوفيا بەرۋلتسەۆا الەم چەمپيوناتىنان كۇمىس جۇلدەمەن ورالعانىن تىلگە تيەك ەتتى. وسىلاي دەگەن قالا اكىمىنىڭ ورىنباسارى بۇل جەڭىستەر ءالى دە جالعاسىن تاباتىنىنا سەنىم ءبىلدىردى.
قالا ءماسليحاتىنىڭ توراعاسى ب.نارىمبەتوۆ جاستاردىڭ قادامىنا ساتتىلىك تىلەپ, دەڭگەيى جوعارى سايىس ءداستۇرلى تۇردە ءوتۋى ءتيىس ەكەنىن ايتتى.
قالاداعى جەڭىل اتلەتيكالىق سپورت كەشەنىندە ءوتىپ جاتقان ماڭىزى جوعارى سايىس ەرتەڭ مارەسىنە جەتەدى.
