العاشقى اينالىمدا برازيليالىق بەاتريس ادداد مايانى (WTA №61) ۇتقان يۋليا پۋتينتسەۆا (№94) كەلەسى كەزەڭدە فرانتسيالىق ەلزا جاكمومەن (№59) كەزدەسىپ, 6:1, 6:2 ەسەبىمەن وڭاي ەڭسەردى. ەندى زەينەپ سەمنەزبەن (№112) سايىسقا تۇسەدى. ىرىكتەۋ سىنىندا جەڭىسكە جەتكەنىنىڭ ارقاسىندا «Australian Open–2026» تۋرنيرىنە قاتىسۋ مۇمكىندىگىنە يە بولعان تۇركيالىق تەننيسشى باستاپقى باسەكەلەردە سەنساتسيا جاساپ, رەسەيلىك ەكاتەرينا الەكساندروۆا (№11) مەن ماجارستاندىق اننا بونداردى (№74) جولىنان ىعىستىردى.
كوپ كەشىكپەي الەكساندر شەۆچەنكو (اتر №97) كورتقا شىعىپ, امەريكالىق لەنەر تەنمەن (№29) شەبەرلىك بايقاستى. جەرلەسىمىز قانشا كۇش سالعانىمەن 20 جاستاعى جاس جۇلدىزعا ءالى جەتپەدى – 2:6, 7:5, 1:6, 0:6. ودان كەيىن الەكساندر بۋبليك (№10) ماجارستاندىق مارتون فۋچوۆيچپەن (№54) سىنعا ءتۇستى. ەلىمىزدىڭ ءبىرىنشى راكەتكاسى الەمدىك رەيتينگتە وزىنەن الدەقايدا تومەن تۇرعان ويىنشىعا ەش مۇمكىندىك بەرمەدى, ەسەپ – 7:5, 6:4, 7:5. بۇگىن ەلەنا رىباكينا فرانتسيا تەننيسشىسى ۆارۆارا گراچەۆامەن كەزدەسەدى.
