فوتو: اقوردا
پارتيانىڭ مالىمدەۋىنشە, قاسىم-جومارت توقاەۆ باستاعان ساياسي مودەرنيزاتسيا باعىتىنداعى رەفورمالار - مەملەكەتتىڭ تۇراقتىلىعىن نىعايتۋعا باعىتتالعان. ولار ءوز كەزەگىندە بيلىك ينستيتۋتتارىنىڭ جاۋاپكەرشىلىگىن كۇشەيتىپ, قوعامداعى ادىلەت, ءتارتىپ پەن ەسەپتىلىك تالاپتارىنا جاۋاپ بەرەدى.
«مەملەكەت باسشىسى ۇسىنعان ءبىر پالاتالى پارلامەنتكە كوشۋدى Respublica لوگيكالىق قادام دەپ سانايدى. سەبەبى, وندا زاڭ شىعارۋ جىلدامدىعى مەن ساپاسى ارتادى, دەپۋتاتتاردىڭ جەكە جانە پارتيالىق جاۋاپكەرشىلىگى كۇشەيەدى, فۋنكتسيالاردىڭ قايتالانۋى جويىلادى. مۇندا ماڭىزدىسى دەپۋتاتتار سانى ەمەس, كاسىبي دەڭگەيى, اشىقتىعى مەن قوعاممەن ناقتى بايلانىسى», دەلىنگەن پارتيا مالىمدەسىندە.
سونداي-اق, پارتيانىڭ ساياسي پارتيالاردىڭ ءرولىن كۇشەيتۋدە 5پايىزدىق سايلاۋ بارەرىن ساقتاپ, پروپورتسيونالدى جۇيەنى قولدايتىنى ايتىلعان. بۇعان قوسا, پارلامەنتتە ارنايى كۆوتالاردان باس تارتىپ, پارلامەنت – اكىمشىلىك تاعايىنداۋلار الاڭى ەمەس, يدەيالاردىڭ سايىسى الاڭى بولۋى ءتيىس.
ال حالىق كەڭەسى - ينستيتۋتسيونالدىق ديالوگ ينستيتۋتى, راديكاليزاتسيا مەن كوشەدەگى قىسىمدى ازايتاتىن مەحانيزم ەكەنى ايتىلعان, ونى پارتيا ۇزاق مەرزىمدى شەشىمدەر قابىلداۋدىڭ قۇرالى رەتىندە قولدايدى. مۇنداعى سەنىمنىڭ نەگىزگى فاكتورى – حالىق كەڭەسىنىڭ ناقتى ىقپالى مەن جۇمىس اشىقتىعى.
«Respublica ۆيتسە-پرەزيدەنت ينستيتۋتىن - باسقارۋ جۇيەسىنىڭ تۇراقتىق ەلەمەنتى, بيلىك وكىلەتتىگىنىڭ ساباقتاستىعى قۇرالى, داعدارىس جاعدايىندا باسقارۋ مۇمكىندىگىن ارتتىرۋ ءتاسىلى رەتىندە قارايدى. پارتيا ءۇشىن ۆيتسە-پرەزيدەنت وكىلەتتىكتەرىنىڭ كونستيتۋتسيامەن ناقتى بەلگىلەنۋى پرينتسيپيالدى», دەلىنگەن پارتيا مالىمدەمەسىندە.
پارتيا پراگماتيكالىق ءتاسىلدى تولىق قولدايتىنىن اتاپ وتەدى. مۇنداعى باستى نازاردى ەنەرگەتيكالىق تاۋەلسىزدىككە اۋدارىپ, كومىر, گاز, گەس رەاليزمگە باعىتتالىپ, ينفراقۇرىلىم – ءوسۋ نەگىزى بولۋى ءتيىس دەپ ەسەپتەيدى. ويتكەنى ەنەرگيا, لوگيستيكا, باسقارۋسىز تسيفرلىق مەملەكەتتىڭ دە, ءادىل ەكونوميكانىڭ دا بولۋى مۇمكىن ەمەس.
Respublica ساياسي مودەرنيزاتسيانىڭ تەرەڭدەۋىن قولداپ, كەز كەلگەن وزگەرىس ناقتى ەسەپتىلىك, اشىقتىق پەن ازاماتتىق مۇددە قورعالۋىمەن ءجۇرۋى ءتيىس دەپ ەسەپتەيدى. پارتيا زاڭنامالىق باستامالاردى جەتىلدىرۋگە بەلسەندى قاتىسۋعا جانە جاڭا ساياسي ارحيتەكتۋرادا ادىلەتتى, مىقتى ءارى تۇراقتى قازاقستان مۇددەسى ءۇشىن جۇمىس ىستەۋگە دايىن.
