ونىڭ ايتۋىنشا, بيىل قىزىلجار – مويىنتى, داربازا – ماقتاارال جەلىلەرى سالىنادى, سونداي-اق التىنكول – جەتىگەن جانە جەزقازعان – سەكسەۋىل ۋچاسكەلەرىن جاڭعىرتۋ اياقتالادى. ۆوكزالداردى رەكونسترۋكتسيالاۋ جۇمىستارى دا جالعاسادى.
اۆتوجولدار سالاسىندا 2026 جىلدىڭ سوڭىنا دەيىن قىزىلوردا – جەزقازعان ۋچاسكەسىندە قوزعالىستى اشۋ جوسپارلانعان. بيىل قىزىلوردا – اقتوبە ءتورت جولاقتى ماگيسترالىنىڭ قۇرىلىسى باستالادى. ەكىنشى جارتىجىلدىقتا قاراعاندى – جەزقازعان جوبالارى مەن سارىاعاشتى اينالىپ ءوتۋ جولىنىڭ جۇمىستارى باستالادى.
مەملەكەتتىك تاپسىرىسقا موراتوري: جەكەمەنشىك مەكتەپتەردىڭ قارجىلاندىرىلۋى تۇبەگەيلى وزگەرەدى
اۆياتسيا سالاسى بويىنشا ۆەناعا, توكيوعا, ريمگە, نيۋ-يورككە جانە تاعى باسقا باعىتتار بويىنشا رەيستەر اشىلادى دەپ جوسپارلانعان. جۇك اۆياتاسىمالداۋشىلاردى تارتۋ ءۇشىن Fedex, UPS, Cargolux سياقتى ءىرى شەتەلدىك اۆياكومپانيالارمەن جۇمىس جۇرگىزىلىپ جاتىر.
«جالپى بۇل سالادا كورسەتكىشتەر وڭ ديناميكاسىن كورسەتىپ وتىر: اۆيا جۇك وندەۋى وسۋدە. وتكەن جىلى جۇك وندەۋ 173 مىڭ تونناعا جەتتى, وسى ايماقتاعى ەڭ جوعارى كورسەتكىش. بۇل باعىتتا جۇمىستى كۇشەيتەمىز», – دەدى مينيستر.
گيدروەنەرگەتيكالىق الەۋەتتى قالاي ارتتىرامىز؟ ەلىمىزدە بىرىڭعاي تسيفرلىق پلاتفورما قۇرىلماق
