«كەشەگى وتكەن ۇلتتىق قۇرىلتايدىڭ ء5‑شى وتىرىسىندا مەملەكەت باسشىسى قاسىم-جومارت كەمەل ۇلى توقاەۆ بۇعان دەيىنگى اۋقىمدى ساياسي رەفورمالارىنىڭ جالعاسى بولىپ تابىلاتىن باستامالارىن جاريا ەتتى. پارلامەنت پەن قوعامدىق ينستيتۋتتاردىڭ ءرولىن كۇشەيتۋ تۋرالى ۇسىنىستار ساياسي جۇيەمەن قاتار, ازاماتتارىمىزدىڭ مادەنيەتىنە دە دەموكراتيالىق قاعيداتتاردى ءبىرجولاتا ورنىقتىرۋ پروتسەسى ءجۇرىپ جاتقانىن بىلدىرەدى. قازاقستاننىڭ زاماناۋي سىن-تەگەۋرىندەرگە قارسى تۇرۋىنا كەپىلدىك بەرەتىن اسا ماڭىزدى يدەولوگيالىق تۇجىرىمدار ايقىندالدى.
بۇلار – قوعامدى ۇيىستىرۋ, وتانشىلدىق, ادىلدىك جانە «زاڭ مەن تارتىپ» قاعيداتتارىنا دەگەن مىزعىماس ۇستانىم. ۇلتتىق يدەولوگيامىزدىڭ اجىراماس بولىگىنە اينالعان «تازا قازاقستان» دا نەگىزگى قۇندىلىقتاردىڭ قاتارىندا تۇر», دەپ اتاپ ءوتتى پرەمەر-مينيستر.
سونداي-اق مەملەكەت باسشىسىنىڭ العا قويعان ەلىمىزدىڭ ودان ءارى ەكونوميكالىق دامۋىنا قاتىستى نەگىزگى مىندەتتەردى ءىس جۇزىندە جۇزەگە اسىرۋ قاجەتتىگىنە نازار اۋدارىلدى.
«مەملەكەت باسشىسى ءاربىر جاۋاپتى لاۋازىمدى تۇلعاعا باتىل ءارى توسىن يننوۆاتسيالىق شەشىمدەر قابىلداۋ قاجەتتىگى تۋرالى قاتاڭ تالاپتار قويدى. بۇل ءومىردىڭ بارلىق سالاسىنا قاتىستى.
ءاربىر مينيستر مەن اكىمنەن, ءاربىر سالا مەن وڭىردە كوزگە كورىنەتىندەي ناقتى ناتيجەلەر كەرەك», دەپ اتاپ ءوتتى ولجاس بەكتەنوۆ.
ايتا كەتەيىك, 2026 جىلعى 20 قاڭتاردا قىزىلوردادا مەملەكەت باسشىسى قاسىم-جومارت توقاەۆتىڭ توراعالىعىمەن ۇلتتىق قۇرىلتايدىڭ V وتىرىسى ءوتتى.
پرەزيدەنت اسسامبلەيا مەن ۇلتتىق قۇرىلتاي ورنىنا حالىق كەڭەسىن قۇرۋدى ۇسىندى
سونىمەن قاتار ۇلتتىق قۇرىلتايدىڭ قىزمەتىنە بەلسەنە اتسالىسقان ءبىر توپ ازامات ماراپاتتالدى.
