بايقاۋ ءۇش كەزەڭگە ءبولىنىپ بەرىلگەن كىتاپتاردى وقىپ, ونلاين تەست تاپسىردى. تەستەن جوعارى ۇپاي جيناعان وقىرماندار ءتورتىنشى كەزەڭگە ىرىكتەلىپ الىنىپ, وقىلعان شىعارمالارى تۋرالى ەسسە جازدى.
ماسەلەن, 10-14 جاس ارالىعىنداعى بالالارعا باۋىرجان مومىش ۇلىنىڭ «ۇشقان ۇيا», رۇستەم ساۋىتبايدىڭ «شوكو الەم», نۇر دومبايجىنىڭ «قاباعى تۇنجىر بالاقاي» شىعارمالارىن وقۋ تاپسىرىلعان. ال 15-18 جاس ارالىعىنداعى ءجاسوسپىرىم وقىرماندار ورالحان بوكەيدىڭ «اتاۋ كەرەسىن», سپانديار كوبەەۆتىڭ «ورىندالعان ارمان» مەمۋارلىق رومانىن, يۆان تۋرگەنەۆتىڭ «اكەلەر مەن بالالار» رومانىن وقىعان.
بايقاۋعا 19 جاستان جوعارى ساناتتاعى ەرەسەكتەر دە قاتىستى. ولاردىڭ قاتارىندا ستۋدەنتتەر, جۇمىسشىلار, دارىگەرلەر, مۇعالىمدەر, مەملەكەتتىك قىزمەتشىلەر, كاسىپكەرلەر, زەينەتكەرلەر بار. اتالعان ساناتتاعى ۇمىتكەرلەر ءسابيت مۇقانوۆتىڭ «اققان جۇلدىز» رومانىن, تولەن ابدىكتىڭ ء«ولىارا» رومانىن وقىعان.
بايقاۋدىڭ قورىتىندى كەزەڭىنە سۇرىنبەي وتكەن 122 وقىرمان ل.تولستوي اتىنداعى وبلىستىق عىلىمي-امبەباپ كىتاپحاناسىنا كەلىپ ەسسە جازدى.
«وقى جانە جەڭ» جوباسىنىڭ اۋقىمى جىلدان جىلعا كەڭەيىپ كەلەدى. اسىرەسە, قوستاناي قالاسى مەن قوستاناي اۋدانىنىڭ, جانگەلدين, قاراسۋ, ۇزىنكول, اۋليەكول, قارابالىق, جىتىقارا, بەيىمبەت مايلين اۋداندارىنان كوپ وقىرمان قاتىستى. وسى بايقاۋدىڭ ناتيجەسى شىعار, وڭىردە كىتاپ وقيتىن تۇرعىنداردىڭ ەداۋىر كوبەيگەنى بايقالىپ وتىر. قورىتىندى كەزەڭگە وتكەن وقىرماندار جازعان ەسسەلەردى قازىلار القاسى تەكسەرىپ, باعالاپ, وعان الدىڭعى كەزەڭدەردە جينالعان ۇپاي ساندارىن قوسىپ, جەڭىمپازداردى انىقتاپ قويدى. جەڭىمپازدار الداعى ۋاقىتتا وتەتىن سالتاناتتى جيىندا ارنايى ديپلومدارمەن, قوماقتى قارجىسى بار سەترتيفيكاتتارمەن, باعالى سىيلىقتارمەن ماراپاتتالاتىن بولادى», دەيدى كىتاپحانا ديرەكتورى ءسانيا سەرىكقىزى.
قوستاناي وبلىسى
