فوتو: gov.kz
مەملەكەت باسشىسى وسى ماقساتتا ەلىمىزدىڭ IT-ينفراقۇرىلىمى سەنىمدى جانە ۇزدىكسىز جۇمىس ىستەۋگە قاجەتتى قۋاتتى دەرەكتەر ورتالىقتارىن سالۋ ءۇشىن الدىن الا ارنايى ايماقتاردى انىقتاۋ قاجەت ەكەنىن ايتتى.
«بەلگىلەنگەن الاڭداردا ەلەكترمەن جابدىقتاۋ, سالقىنداتۋ جانە قاۋىپسىزدىك جۇيەلەرى بار دەرەكتەردى وڭدەۋ ورتالىقتارىن سالۋ قاجەت. ۇكىمەت پاۆلودار وبلىسىنىڭ اكىمدىگىمەن بىرلەسىپ ەكىباستۇز باسسەينىنىڭ ەنەرگەتيكالىق بازاسىندا دەرەكتەردى وڭدەۋ ورتالىعىنا ارنالعان ايماق سالۋدى جوسپارلاپ وتىر. جاقسى ۇسىنىس. ونىڭ قانشالىقتى ءساتتى جۇزەگە اسىرىلاتىنىن باقىلايمىز», دەدى قاسىم-جومارت توقاەۆ.
سونداي-اق پرەزيدەنت اتوم ەلەكتر ستانتسياسى قۇرىلىسىنىڭ اياقتالعانىن كۇتپەي جاڭا ەنەرگەتيكالىق قۋاتتاردى ىسكە قوسۋ ماسەلەسىن قاراستىرۋدى اتاپ ءوتتى.
ەلدە نەگە اۋە وتىنى جوق؟ قاسىم-جومارت توقاەۆ جاۋاپتى ماماندارعا ەسكەرتۋ جاسادى
«اتالعان دەرەكتەر ورتالىقتارى مەتاللۋرگيالىق كومبيناتتارمەن بىردەي قۋات تۇتىنادى. سوندىقتان ەلدىڭ ءوزىن-ءوزى ەنەرگەتيكالىق قامتاماسىز ەتۋ ماسەلەسى مەملەكەتتىك ساياساتتىڭ ماڭىزدى بولىگى رەتىندە قاراستىرىلۋى كەرەك», دەدى مەملەكەت باسشىسى.
سونىمەن قاتار مەملەكەت باسشىسى ۇلتتىق قۇرىلتايدا كىسى قولىنان قازا تاپقان نۇرايدىڭ باسىندا بولعان جاعدايعا دا اسا ءمان بەردى.
بۇعان دەيىن قاسىم-جومارت توقاەۆ ارال تەڭىزى ماسەلەسىنە قاتىستى پىكىر ءبىلدىرىپ, ونى ساقتاۋ بۇكىل ادامزات ءۇشىن وزەكتى مىندەت ەكەنىن ايتقان بولاتىن.
