ء«ار نارسەنىڭ ءوز ۋاقىتى بار دەپ حالىق بەكەر ايتپايدى. مەنىڭ ويىمشا, ءدال سول ۋاقىت كەلگەن سياقتى. بۇگىن ۇلتتىق قۇرىلتايدىڭ قورىتىندى وتىرىسىندا جاڭا ءارى ماڭىزدى ۇسىنىسىمدى ايتقىم كەلەدى. مەن ۇسىنىپ وتىرعان بۇل جاڭاشىلدىق بىرنەشە جىل بويى جۇيەلى تۇردە قالىپتاستىرعان بۇكىل ساياسي قۇرىلىمدى ءوزارا ۇيلەستىرىپ, تولىقتىراتىن بولادى. اڭگىمە قازاقستان رەسپۋبليكاسى ۆيتسە-پرەزيدەنتى ينستيتۋتىن قۇرۋ جانە ونى كونستيتۋتسيادا ءتيىستى تۇردە بەكىتۋ تۋرالى بولىپ وتىر», دەدى قاسىم-جومارت توقاەۆ.
ۆيتسە-پرەزيدەنتتى پرەزيدەنت پارلامەنتتىڭ كەلىسىمىمەن, قاراپايىم كوپشىلىك داۋىسپەن تاعايىندايتىن بولادى. ونىڭ وكىلەتتىكتەر اياسىن مەملەكەت باسشىسىنىڭ ءوزى ايقىندايدى.
ۆيتسە-پرەزيدەنت پرەزيدەنتتىڭ تاپسىرماسى بويىنشا:
– قازاقستان رەسپۋبليكاسىنىڭ مۇددەلەرىن حالىقارالىق فورۋمداردا جانە شەتەلدىك مەملەكەتتەردىڭ دەلەگاتسيالارىمەن كەلىسسوزدەردە تانىستىرادى;
– پرەزيدەنتتىڭ مۇددەلەرىن پارلامەنتتە بىلدىرەدى;
– وتاندىق جانە شەتەلدىك قوعامدىق-ساياسي, عىلىمي جانە مادەني-اعارتۋشىلىق ۇيىمدارمەن ءوزارا ءىس-قيمىل جاسايدى;
– پرەزيدەنتتىڭ وزگە دە تاپسىرمالارىن ورىندايدى.
ەسكە سالايىق, مەملەكەت باسشىسى جاڭا پارلامەنتتىڭ اتاۋىن «قۇرىلتاي» دەپ اتاۋدى ۇسىندى.
سونداي-اق پرەزيدەنت نەكە ينستيتۋتىن ەر مەن ايەلدىڭ ەرىكتى وداعى رەتىندە زاڭنامالىق تۇرعىدا بەكىتۋ تۋرالى ويىن ايتتى.
كىسى قولىنان قازا تاپقان نۇرايدىڭ باسىندا بولعان جاعدايعا دا اسا ءمان بەردى.
بۇعان دەيىن قاسىم-جومارت توقاەۆ ارال تەڭىزى ماسەلەسىنە قاتىستى پىكىر ءبىلدىرىپ, ونى ساقتاۋ بۇكىل ادامزات ءۇشىن وزەكتى مىندەت ەكەنىن ايتقان بولاتىن.
