فوتو: ۆيدەودان الىنعان كادر
اكتوبە وبلىسىنداعى توتەنشە جاعدايلار دەپارتامەنتىنىڭ مالىمەتىنشە, عيماراتتا ىستىق سۋمەن جابدىقتاۋعا پايدالانىلعان گاز جابدىعى جارىلعان.
«12 ليترلىك گاز باللونىنداعى گاز-اۋا قوسپاسىنىڭ كەنەت تۇتانۋى سالدارىنان گاز بەن جالىن سىرتقا شىعىپ, سونىڭ سالدارىنان عيمارات وپىرىلعان», دەلىنگەن ۆەدومستۆو تاراتقان اقپاراتتا.
وقيعا ورنىنا قاتىستى بەينەجازبالار الەۋمەتتىك جەلىدە تارادى. جارىلىس كوپقاباتتى تۇرعىن ۇيلەردىڭ ماڭىندا ورنالاسقان ءبىر قاباتتى شاعىن عيماراتتا بولعان. كۋاگەرلەردىڭ ايتۋىنشا, جارىلىستىڭ كۇشى سونشالىق, جاقىن ماڭداعى بىرنەشە پودەزدىڭ تەرەزەلەرى سىنعان. جارىلىستىڭ ءوزى دە بەينەباقىلاۋ كامەراسىنا ءتۇسىپ قالعان.
تۇركىستان وبلىسىندا ءبىر وتباسىنىڭ ءۇش ادامى كومىرقىشقىل گازىنان ۋلانىپ قازا تاپتى
وبلىستىق دەنساۋلىق ساقتاۋ باسقارماسىنىڭ دەرەگىنشە, اۋداندىق اۋرۋحاناعا كۇيىك جاراقاتىمەن بەس ادام جەتكىزىلگەن. ولاردىڭ ءبىرى جانساقتاۋ بولىمىندە جاتىر, دەنەسىنىڭ شامامەن 20 پايىزى كۇيگەن. تاعى ءتورت ادام تراۆماتولوگيا بولىمىندە ەم قابىلداپ جاتىر.
قازىر وقيعانىڭ سەبەپتەرى مەن ءمان-جايى انىقتالىپ جاتىر.
