مەملەكەت باسشىسى نۇرسۇلتان نازارباەۆ پارلامەنت ءماجىلىسىنىڭ دەپۋتاتى, حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى قۋانىش سۇلتانوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. ق.سۇلتانوۆ مەملەكەت باسشىسىنا ءماجىلىستىڭ زاڭ شىعارۋ جۇمىسىنىڭ بىرقاتار باعىتتارى جانە نەگىزگى زاڭ جوبالارىنىڭ قارالۋ بارىسى, سونداي-اق, الداعى كەزەڭگە ارنالعان جوسپارلار تۋرالى باياندادى. كەزدەسۋ بارىسىندا قازاقستان پرەزيدەنتى ق.سۇلتانوۆتى 70 جىلدىق مەرەيتويىمەن قۇتتىقتاپ, مىقتى دەنساۋلىق, باق-بەرەكە جانە بۇدان ارعى جۇمىسىنا تابىس تىلەدى.
