فوتو: اشىق دەرەككوز
قۇجاتتا قورعانىس مينيسترلىگى مەن كرەديتتىك بيۋرولار اراسىنداعى مالىمەت الماسۋ ءتارتىبى ايقىندالعان. بۇل تەتىك اسكەرگە شاقىرىلعان ساربازدارعا قارىز تولەمىن كەيىنگە شەگەرۋ مۇمكىندىگىن قاراستىرۋعا جانە جەكە تۇلعانىڭ كرەديتتىك ەسەبىندە ونىڭ مەرزىمدى اسكەري قىزمەت وتكەرۋى نە قىزمەتتەن بوساتىلۋى جونىندەگى دەرەكتەردى كورسەتۋگە باعىتتالعان.
قاۋلى جوباسىنا سايكەس, بانكتەر مەن ميكروقارجى ۇيىمدارى نەسيە الۋعا ءوتىنىش تۇسكەن كەزدە شاقىرۋ جاسىنداعى ازاماتتىڭ مارتەبەسىن كرەديتتىك ەسەپ ارقىلى تەكسەرۋگە مىندەتتەلەدى.
«ەگەر كرەديتتىك ەسەپتە ازاماتتىڭ مەرزىمدى اسكەري قىزمەت وتكەرىپ جاتقانى تۋرالى مالىمەت بولسا, نەسيە بەرۋ جونىندەگى ءوتىنىش كەرى قايتارىلادى», دەلىنگەن قۇجات.
جوبا «اشىق نقا» پورتالىندا 3 اقپانعا دەيىن قوعامدىق تالقىلاۋعا ۇسىنىلدى.
بۇعان دەيىن قارۋلى كۇشتەر باس شتابىنىڭ ۇيىمداستىرۋ-جۇمىلدىرۋ جۇمىستارى دەپارتامەنتى باستىعىنىڭ ورىنباسارى فارحات ايدارباەۆ مەرزىمدى اسكەري قىزمەتكە شاقىرۋ تارتىبىندەگى جاڭالىقتار جونىندە تۇسىندىرمە بەرگەن.
