كومپانيانىڭ مالىمەتىنشە, جارنامالىق مونەتيزاتسيا جازىلىم ءۇشىن اقى تولەگىسى كەلمەيتىندەرگە كەيبىر شەكتەۋلەردى الىپ تاستاۋعا كومەكتەسەدى. سونىمەن قاتار, كومپانيا جۇمىس ىستەيتىن بارلىق ەلدەردە ChatGPT Go ءتاريفىن قولجەتىمدى ەتەدى. پايدالانۋشىلار ايىنا 8 دوللارعا حابار الماسۋ, كەسكىن جاساۋ, فايلداردى باسقارۋ جانە چات-بوت جادى بويىنشا كەڭەيتىلگەن قىزمەتتەردى الادى.
تەستىلەۋ اقش-تا باستالىپ, سودان كەيىن باسقا ەلدەرگە تارالادى. جارنامانى تەك كامەلەتكە تولعان اۆتوريزاتسيادان وتكەن پايدالانۋشىلار كورەدى. حابارلاندىرۋلار ChatGPT جاۋاپتارىنىڭ تومەنگى جاعىندا پايدا بولادى جانە سۇراۋ تاقىرىبىنا سايكەس كەلەدى. ولار نەگىزگى ماتىننەن ءبولىنىپ, ۆيزۋالدى تۇردە انىق ەرەكشەلەنەدى.
Cybernet AI تۇركى تىلدەرىنە ارنالعان ەڭ ءىرى جاساندى ينتەللەكت مودەلىن تانىستىردى
OpenAI جارنامانىڭ نەيروندىق جاۋاپتاردىڭ ساپاسىنا اسەر ەتپەۋىن قامتاماسىز ەتەدى. حات-حابارلار قۇپيا بولىپ قالادى — جارناما بەرۋشىلەر ولارعا قول جەتكىزە المايدى. پارامەترلەردە جەكەلەندىرۋدى باسقارۋعا, جەكە جارنامالاردى جاسىرۋعا نەمەسە اقىلى تاريفكە ءوتۋ ارقىلى جارنامالاردى تولىعىمەن وشىرۋگە بولادى.
تەستىلەۋ كەزىندە جۇيە جارنامانى كامەلەتكە تولماعاندارعا جارنامانى كورسەتپەيدى. سونداي-اق دەنساۋلىق, پسيحيكالىق جاعداي جانە ساياسات اياسىنداعى تاقىرىپقا سايكەس جارناما بولمايدى.
بولاشاقتا OpenAI جارنامالانعان ونىمدەر تۋرالى تىكەلەي ديالوگتا سۇراقتار قويۋعا مۇمكىندىك بەرەتىن ينتەراكتيۆتى فورماتتاردى قوسا الادى. الايدا, كومپانيانىڭ نەگىزگى نازارى اقىلى جازىلىمداردا قالادى, ال جارناما تەك قوسىمشا تابىس كوزى بولماق.
وسى اپتادا OpenAI كومپانياسى ChatGPT نەگىزىندە اۆتونومدى ۆەب-اۋدارما قۇرالىن ىسكە قوستى.
