ءمينيستردىڭ ايتۋىنشا, الداعى ۋاقىتتا جەكەمەنشىك مەكتەپتەر تەك ناقتى قاجەتتىلىك بار وڭىرلەردە عانا اشىلادى.
– بولاشاقتا جەكەمەنشىك مەكتەپتەر تەك ءۇش اۋىسىمدى جانە اپاتتى جاعدايداعى مەكتەپتەردىڭ ورنىن باسۋ قاجەت بولعاندا, سونداي-اق مەملەكەتتىك مەكتەپتەر تاپشىلىعى بار وڭىرلەردە عانا اشىلاتىن بولادى. ليتسەنزيالار دا وسى تالاپتارعا سايكەس بەرىلەدى, – دەدى جۇلدىز سۇلەيمەنوۆا.
ايدا بالاەۆا: جەكەمەنشىك مەكتەپتەردىڭ كوبەيۋى ءبىلىم ساپاسىن تومەندەتتى
زاڭناما اياسىندا جەكەمەنشىك مەكتەپتەردىڭ قۇرىلتايشىلارىنا قويىلاتىن تالاپتار دا كۇشەيتىلەدى. ولار ءبىلىم بەرۋ ساپاسىنا, پەداگوگتەردىڭ بىلىكتىلىك دەڭگەيىنە جانە وقۋشىلاردىڭ قاۋىپسىزدىگىن قامتاماسىز ەتۋگە تىكەلەي جاۋاپتى بولادى.
سونىمەن قاتار مەكتەپ ديرەكتورلارىن تاعايىنداۋ ءتارتىبى دە وزگەرەدى. ەندى بۇل شەشىمدەر تەك قۇرىلتايشىلاردىڭ قالاۋىمەن ەمەس, سالالىق مينيسترلىكپەن جانە جەرگىلىكتى اتقارۋشى ورگاندارمەن كەلىسۋ ارقىلى قابىلدانادى.
قازىرگى تاڭدا ەلىمىزدە 785 جەكەمەنشىك مەكتەپتىڭ قۇجاتتارى تسيفرلاندىرىلعان. جالپى ليتسەنزياسى بار جەكەمەنشىك مەكتەپتەردىڭ سانى 890-عا جەتىپ وتىر.
ۇكىمەت سونداي-اق جاڭادان اشىلاتىن جەكەمەنشىك مەكتەپتەرگە مەملەكەتتىك ءبىلىم بەرۋ تاپسىرىسىن ورنالاستىرۋعا موراتوري ەنگىزۋدى جوسپارلاپ وتىر.
