- وسكەمەندە ۆولەيبولدان قازاقستان سۋپەركۋبوگىنىڭ يەگەرى انىقتالدى. باس جۇلدە ءۇشىن تارتىس ەل چەمپيونى تالدىقورعاننىڭ «جەتىسۋى» مەن كۋبوك يەگەرى تۇركىستاننىڭ «تۇرانى» اراسىندا ءوربىدى. بۇل باسەكە 3:0 (25:22, 25:22, 25:17) ەسەبىمەن اياقتالدى. ءسويتىپ, «جەتىسۋ» ءوز تاريحىندا بەسىنشى رەت سۋپەركۋبوك ولجالادى.
- شايبالى حوككەيدەن ەلىمىزدىڭ جاستار قۇراماسى مەن استانانىڭ «بارىس» كلۋبىنىڭ شابۋىلشىسى سەميون سيمونوۆ №81 بولىپ ۇلتتىق حوككەي ليگاسىنىڭ (ۇحل) كەڭەيتىلگەن درافىنا ىلىكتى. بىلتىر ول ەلوردالىق كوماندانىڭ ساپىندا 42 رەت مۇز ايدىنىنا شىعىپ, 15 (9 گول+6 پاس) ۇپاي جيدى. ەگەر الەمدەگى ەڭ ۇزدىك ليگاداعى كلۋبتاردىڭ ءبىرى سيمونوۆتى ءوز قاتارىنا قابىلداسا, 20 جاستاعى دارىندى ويىنشىعا بۇل ەرەكشە مارتەبە بولارى ءسوزسىز.
