قاتتى اياز بەن بوران سالدارىنان اۆتوبۋستىڭ ديزەل وتىنى قاتىپ, اۆتوبۋس ىشىندەگى 13 ادام ايدالادا تۇرىپ قالعان. تجد قىزمەتكەرلەرى مەن پوليتسەيلەر ولاردى قالىباي اۋىلى ماڭىنداعى كەمپينگكە ورنالاستىردى.
سونداي-اق وتكەن ءتۇنى مۇعالجار اۋدانىنىڭ اششىلىساي اۋىلىنان ناۋقاستى الىپ كەلە جاتقان جەدەل جاردەم كولىگى «جۇرىن – قاراكول – اششىساي» جولىندا تۇرىپ قالعان. شاقىرتۋعا ارناۋلى تەحنيكامەن جەتكەن تجد ماماندارى جولدى ارشىپ, دارىگەرلەردىڭ كولىگىن قار قۇرساۋىنان الىپ شىعىپ, 1983 جىلى تۋعان ايەل جانە ونىڭ ءۇش جاستاعى ءسابيىن اۋداندىق اۋرۋحاناعا جەتكىزدى.
اقمولا وبلىسىندا 7 ادام بوراننىڭ سالدارىنان جولدا قالىپ قويعان
پوليتسيا جۇرگىزۋشىلەرگە جولعا شىعار الدىندا قاۋىپسىزدىك تالاپتارىن ساقتاۋدى جانە اۋا رايى حابارلاماسىن مۇقيات قاداعالاۋدى ەسكەرتكەنىمەن, قىستىڭ ساقىرلاعان ايازىندا ساقتانبايتىن تۇرعىندار قاتارى ازايار ەمەس.
قاراعاندى وبلىسىندا جولدا قالىپ قويعان 32 جولاۋشى قۇتقارىلدى
