فوتو: قورعانىس مينيسترلىگى
ارداگەرگە قورعانىس ءمينيسترىنىڭ قۇتتىقتاۋ حاتى تابىستالدى. ەستەلىك سىيلىقتار مەن گۇل شوقتارى ۇسىنىلدى. مەرەكەلىك داستارحاندا مايدانگەر وزىنە كورسەتىلگەن قۇرمەتكە ريزاشىلىعىن ءبىلدىرىپ, بارشاعا بەيبىت ءومىر مەن بەرەكە تىلەپ, باتاسىن بەردى.
ىسقاق قۇسايىنوۆ 1924 جىلعى 14 قاڭتاردا جەتىسۋ وبلىسىنىڭ الاكول اۋدانىنا قاراستى كولباي اۋىلىندا دۇنيەگە كەلگەن. 1942 جىلى اسكەرگە شاقىرىلىپ, قيىر شىعىس مايدانىنىڭ امۋر اسكەري فلوتيلياسى قۇرامىندا قىزمەت ەتكەن.
قورعانىس ۆەدومستۆوسىنىڭ مالىمەتىنشە, مايدانگەر ءىى دارەجەلى وتان سوعىسى, «ەڭبەك قىزىل تۋ» وردەندەرىمەن, «تىنىق مۇحيتى فلوتىنىڭ ارداگەرى», «جۋكوۆ», «ەرەن ەڭبەگى ءۇشىن» مەدالدارىمەن جانە «اسكەري-تەڭىز فلوتىنىڭ ۇزدىگى» توسبەلگىسىمەن ماراپاتتالعان.
1947 جىلى اسكەر قاتارىنان بوساتىلعان ىسقاق ابىلپەيىس ۇلى پەداگوگيكالىق ۋچيليششەنى ءتامامداپ, ۇستازدىق قىزمەت اتقارعان.
