فوتو: atameken.kz
«اتامەكەن» ۇكپ ءباسپاسوز قىزمەتىنىڭ مالىمدەۋىنشە, كەزدەسۋ بارىسىندا قاتىسۋشىلارعا ءونىمدى كەرى قايتارۋدىڭ سەبەپتەرى, اۋقىمى جانە الداعى ءىس-قيمىل ءتارتىبى جان-جاقتى ءتۇسىندىرىلدى.
ء«ونىمدى ەرىكتى تۇردە كەرى قايتارۋ 2026 جىلعى 5 قاڭتاردان باستاپ قولعا الىندى جانە قازاقستاندى قوسا العاندا, بىرقاتار نارىقتاردى قامتيدى. بۇل شارا الدىن الۋ سيپاتىندا جانە سىرتقى جەتكىزۋشىدەن جەتكىزىلگەن شيكىزاتتا تسەرۋليد توكسينىنىڭ ىقتيمال بولۋى مۇمكىن دەگەن قاۋىپتىڭ انىقتالۋىنا بايلانىستى», دەپ حابارلادى شقو سانيتاريالىق-ەپيدەميولوگيالىق باقىلاۋ دەپارتامەنتى.
اتالعان ينگرەديەنتتىڭ ءونىم قۇرامىنداعى مولشەرى وتە تومەن ەكەنى, سونداي-اق قازاقستاننىڭ قولدانىستاعى زاڭناماسىندا تاعام ونىمدەرىندەگى تسەرۋليد توكسينىنىڭ قۇرامىنا قاتىستى نورماتيۆتىك رەتتەۋ جوق ەكەنى اتاپ ءوتىلدى.
سوعان قاراماستان, Nestle كومپانياسى ءونىمدى كەرى قايتارۋ تۋرالى شەشىم قابىلدادى.
كەرى قايتارۋعا ءونىمنىڭ شەكتەۋلى اسسورتيمەنتى جاتادى, ونىڭ ىشىندە:
- قۇرعاق تەز ەريتىن ءسۇتتى, قىشقىل ءسۇتتى جانە لاكتوزاسىز قوسپالار;
- ەمدىك جانە ديەتالىق تاماقتانۋعا ارنالعان امينقىشقىلدارى نەگىزىندەگى قۇرعاق قوسپالار.
كەرى قايتارىلاتىن ناقتى پارتيالاردىڭ ءتىزىمى nestlebaby.kz سايتىندا جاريالانعان. كەرى قايتارۋ تەك وسى پارتيالارعا قاتىستى – قازاقستانداعى Nestle كومپانياسىنىڭ بالالارعا ارنالعان وزگە ونىمدەرى ساتىلىمدا قالادى جانە قاۋىپسىز بولىپ تابىلادى.
شقو كاسىپكەرلەر پالاتاسى ديرەكتورىنىڭ قۇقىقتىق ماسەلەلەر جونىندەگى ورىنباسارى ايجان جاڭگىرحانوۆا پالاتا بيزنەستى اشىق ءارى ۋاقتىلى اقپاراتتاندىرۋ الاڭى بولعانىن اتاپ ءوتتى.
«كاسىپكەرلەر ءۇشىن ۋاكىلەتتى ورگانداردان رەسمي ءارى سەنىمدى اقپاراتتى تىكەلەي الۋ اسا ماڭىزدى. بۇل جاعدايدا اڭگىمە كومپانيانىڭ كورپوراتيۆتىك جاۋاپكەرشىلىگى شەڭبەرىندە جۇرگىزىلىپ جاتقان ەرىكتى ونىمدەردى كەرى قايتارۋ تۋرالى بولىپ وتىر جانە ول انىقتالعان زاڭبۇزۋشىلىقتاردىڭ سالدارى ەمەس. ءبىزدىڭ مىندەتىمىز – بيزنەسكە قۇقىقتىق اسپەكتىلەردى ءتۇسىندىرىپ, الاڭداۋشىلىقتاردى جويۋ», دەدى ا.جاڭگىرحانوۆا.
شەتەلدىك ماركەتپلەيستەردە ساۋدا جاساۋ: ەل ازاماتتارى ءۇشىن نە وزگەرەدى؟
