تالقىلاۋ بارىسىندا ەكونوميكالىق پاتريوتيزم وتاندىق ءوندىرىستى قولداۋدىڭ جانە ىشكى نارىقتى نىعايتۋدىڭ ناقتى تەتىگى رەتىندە قاراستىرىلدى.
شارا اياسىندا ەكونوميكالىق پاتريوتيزم ماسەلەسى ءسۇت سالاسىنىڭ مىسالىندا تالداندى. ۇلتتىق اناليتيكالىق ورتالىق جۇرگىزگەن الەۋمەتتىك ساۋالناما ناتيجەسىنە سايكەس, قازاقستاندىق ونىمگە دەگەن تۇتىنۋشىلار سەنىمى ارتىپ كەلەدى. سونىمەن بىرگە رەسپوندەنتتەردىڭ 27 پايىزى وتاندىق ءسۇت ونىمدەرىن يمپورتتىق ونىمدەردەن اجىراتۋدا قيىندىققا تاپ بولاتىنىن كورسەتكەن.
باعانى نەگىزسىز وسىرگەن ساۋدا ورىندارىنا 481 030 تەڭگە ايىپپۇل سالىندى
ساراپشىلار بۇل ماسەلەنى شەشۋ ءۇشىن «قازاقستاندا جاسالعان» تاڭباسىن ايقىن ءارى تۇسىنىكتى ەتۋ, ساۋدا جەلىلەرىندە ءدام تاتىرۋ شارالارىن كەڭەيتۋ, سونداي-اق وتاندىق جانە يمپورتتىق ونىمدەرگە بىردەي ءارى قاتاڭ ساپا باقىلاۋىن ەنگىزۋ قاجەت ەكەنىن اتاپ ءوتتى.
ۇلتتىق اناليتيكالىق ورتالىقتىڭ باسقارما توراعاسى راسۋل رىسمامبەتوۆ قازاقستاندىق تاۋاردى سانالى تۇردە تاڭداۋ ازاماتتاردىڭ ەل ەكونوميكاسىنا قوسقان تىكەلەي ۇلەسى ەكەنىن ايتتى. ونىڭ سوزىنشە, بۇل جۇمىس ورىندارىنىڭ كوبەيۋىنە, وڭىرلەردەگى تابىستىڭ ارتۋىنا جانە سىرتقى نارىقتارعا تاۋەلدىلىكتىڭ ازايۋىنا ىقپال ەتەدى. ەكونوميكالىق پاتريوتيزم ۇران رەتىندە ەمەس, ناقتى ەكونوميكالىق قۇرال رەتىندە قاراستىرىلۋى ءتيىس.
سونداي-اق 2025 جىلعى الەۋمەتتىك-ەكونوميكالىق دامۋ كورسەتكىشتەرى ۇسىنىلدى. قاڭتار-قاراشا ايلارى ارالىعىندا نەگىزگى كاپيتالعا سالىنعان ينۆەستيتسيالار جىلدىق ەسەپپەن 13,3 پايىزعا ارتقان. ينۆەستيتسيالاردىڭ نەگىزگى بولىگى بيزنەس سۋبەكتىلەرىنىڭ ءوز قاراجاتى ەسەبىنەن جۇزەگە اسقان. بۇل كاسىپكەرلەردىڭ ەل ەكونوميكاسىنا دەگەن سەنىمىنىڭ ساقتالىپ وتىرعانىن كورسەتەدى.
ققس ءوسىمى الەۋمەتتىك ماڭىزى بار ازىق-ت ۇلىك باعاسىنا اسەر ەتتى مە؟
2025 جىلدىڭ قورىتىندىسى بويىنشا جىلدىق ينفلياتسيا دەڭگەيى 12,3 پايىزدى قۇرادى. ۇلتتىق اناليتيكالىق ورتالىق باعا وسىمىنە سىرتقى فاكتورلاردىڭ, سونىڭ ىشىندە يمپورتتىق تاۋارلار باعاسىنىڭ قىمباتتاۋى مەن ۆاليۋتالىق اۋىتقۋلاردىڭ اسەر ەتكەنىن اتاپ ءوتتى. ىشكى سەبەپتەر قاتارىندا جەتكىزۋ تىزبەگىندەگى ءتيىمسىز دەلدالدار مەن كولەڭكەلى اينالىمداردىڭ بار ەكەنى كورسەتىلدى.
