يراننىڭ ازاماتتىق اۆياتسيا ۇيىمىنىڭ مالىمەتىنشە, قازىرگى ۋاقىتتا اۋە رەيستەرىن ورىنداۋعا قاتىستى ەشقانداي شەكتەۋ جوق. ەلدىڭ اۋە كەڭىستىگى حالىقارالىق ترانزيتتىك رەيستەردى دە, ۇشىپ كەلۋ جانە ۇشىپ شىعۋ رەيستەرىن دە قابىلداپ وتىر.
جولاۋشىلارعا اۋەجايعا بارماس بۇرىن ءوز رەيستەرى تۋرالى وزەكتى اقپاراتتى 199 ارنايى انىقتاما جەلىسى ارقىلى ناقتىلاپ الۋ ۇسىنىلادى.
ەسكە سالا كەتەيىك, بۇعان دەيىن بىرقاتار اۋە كومپانيالارى, سونىڭ ىشىندە Air Astana, يران اۋە كەڭىستىگىنىڭ جابىلۋىنا بايلانىستى ۇشۋ باعىتتارىن وزگەرتكەن بولاتىن.
اۆياتاسىمالداۋشى سول كەزدە جولاۋشىلارعا شارم-ەل-شەيح, دۋباي, دوحا جانە مەدينا باعىتىنداعى رەيستەردىڭ يران اۋماعىن اينالىپ وتەتىنىن, سونداي-اق ۇشۋ جانە قونۋ ۋاقىتىنىڭ وزگەرۋى مۇمكىن ەكەنىن ەسكەرتكەن ەدى.
اتىراۋدا FlyArystan ۇشاعى جولاقتان شىعىپ كەتتى: 166 جولاۋشى ەۆاكۋاتسيالاندى
بۇل ماسەلەگە قاتىستى FlyArystan اۋە كومپانياسى دا مالىمدەمە جاسادى. تاسىمالداۋشىنىڭ حابارلاۋىنشا, يراننىڭ اۋە كەڭىستىگىندەگى جاعداي 2026 جىلعى 17 قاڭتارعا جوسپارلانعان ەكى رەيسكە اسەر ەتكەن:
-
اتىراۋ – دوحا
-
اقتاۋ – دۋباي
كومپانيا وكىلدەرى قازىرگى ۋاقىتتا اتالعان رەيستەردى يران اۋە كەڭىستىگىن اينالىپ وتەتىن بالامالى باعىتتارمەن ورىنداۋ مۇمكىندىكتەرى قاراستىرىلىپ جاتقانىن ايتتى.
جولاۋشىلارعا رەيستەردىڭ وزەكتى مارتەبەسىن اۋە كومپانياسىنىڭ رەسمي سايتىنان نەمەسە ءموبيلدى قوسىمشاسىنان ءوز بەتىنشە تەكسەرۋ ۇسىنىلادى.
