فوتو: اشىق دەرەككوز
مەملەكەتتىك نومىرلەردى تاڭداۋ جانە برونداۋ قىزمەتى 8 قاڭتاردان باستاپ eGov.kz پورتالى مەن eGov Mobile قوسىمشاسىندا پيلوتتىق رەجىمدە قولجەتىمدى بولدى. جاڭا سەرۆيستىڭ تانىمالدىلىعى سونداي, العاشقى ەكى كۇننىڭ وزىندە 113 مىڭ ءوتىنىم تىركەلسە, 15 قاڭتارداعى مالىمەت بويىنشا بۇل كورسەتكىش ەكى ەسە ارتتى.
مامانداردىڭ ايتۋىنشا, كەيبىر جاعدايلاردا تولەم جاسالعاننان كەيىن دە تاڭدالعان ءنومىر بوس بولىپ كورىنۋى مۇمكىن. بۇل كوبىنەسە ءوتىنىمنىڭ سوڭعى كەزەڭدە تولىق اياقتالماۋىنان بولادى. مۇنداي جاعدايدا ازاماتتارعا ءوتىنىمدى قايتا بەرۋ ۇسىنىلادى. ول ءۇشىن ءۇشىنشى قادامدا «بۇرىن تولەنگەن» باتىرماسىن باسىپ, بانك پەن تولەم كۇنىن كورسەتۋ قاجەت. وسى راسىمدەردەن كەيىن ءنومىر پايدالانۋشىعا بەكىتىلىپ, باسقالار ءۇشىن قولجەتىمسىز بولادى.
ەسكە سالا كەتەيىك, 5 قاڭتاردان باستاپ ازاماتتار اۆتوكولىك نومىرلەرىن ءوز قالاۋى بويىنشا تاڭداۋ ءۇشىن مامانداندىرىلعان حقكو-لارعا جۇگىنە باستاعان بولاتىن.
