فوتو: اقوردا
كەزدەسۋدە قازاقستاننىڭ حالىقارالىق شاڭعى سپورتى فەدەراتسياسىمەن ىنتىماقتاستىق پەرسپەكتيۆاسى تالقىلاندى.
قاسىم-جومارت توقاەۆ ەلىمىزدە 85 مىڭنان اسا ادام شاڭعى سپورتىمەن تۇراقتى تۇردە شۇعىلداناتىنىن اتاپ ءوتتى. سونداي-اق قازاقستاندا تاۋ شاڭعىسى مەن شاڭعى جارىسى كەشەندەرى, حالىقارالىق دەڭگەيدەگى مۇز ارەنالارى سەكىلدى زاماناۋي ينفراقۇرىلىمدار بار.
مەملەكەت باسشىسى ەلىمىز جاقىندا يتاليادا وتەتىن قىسقى وليمپيادا ويىندارىنا تىڭعىلىقتى دايىندالىپ جاتقانىن جەتكىزدى.
FIS پرەزيدەنتى سپورتقا قولداۋ كورسەتكەنى ءۇشىن مەملەكەت باسشىسىنا العىس ايتىپ, قازاقستاندىقتار الەمنىڭ بايراقتى باسەكەلەرىندە لايىقتى ونەر كورسەتىپ جۇرگەنىنە نازار اۋداردى.
سونداي-اق ول قازاقستاندا جۇزەگە اسىرىلىپ جاتقان الەۋمەتتىك-ەكونوميكالىق رەفورمالارعا جوعارى باعا بەردى.
قاسىم-جومارت توقاەۆ پەن يوحان ەلياش ەلىمىزدىڭ حالىقارالىق شاڭعى سپورتى فەدەراتسياسىمەن تاجىريبە الماسۋ, سپورتشىلاردى دايارلاۋ, باپكەرلەردى وقىتۋ جانە تورەلىك ەتۋ باعىتتارىنداعى ىقپالداستىقتى كەڭەيتۋ مۇمكىندىكتەرىن قاراستىردى.
پرەزيدەنت ەلىمىزدە شاڭعى جانە سنوۋبورد سپورتىنىڭ دامۋىنا قوسقان ۇلەسى ءۇشىن يوحان ەلياشتى II دارەجەلى «دوستىق» وردەنىمەن ماراپاتتادى.
پرەزيدەنت «QazaqGaz» ۇك» اق باسقارما توراعاسى الىبەك جاماۋوۆتى قابىلدادى
