باحتيارحان فرانتسۋز ءتىلىن اكەسىمەن بىرگە فرانتسيادا بولعان كەزىندە مەڭگەرگەن. ول جەردە ارحيتەكتۋرا باعىتى بويىنشا ءبىلىم العان. شەتەلدە قالىپتاستىرعان تىلدىك داعدىلارى وعان قىزمەت بارىسىندا ازاماتتارمەن ءتيىمدى بايلانىس ورناتۋعا, قوعامدىق قاۋىپسىزدىكتى قامتاماسىز ەتۋ مىندەتتەرىن ساپالى ورىنداۋعا كومەكتەسىپ ءجۇر.
وتباسىنىڭ ۇلكەنى – باحتيارحان 22 جاستا. ول ارتىنان ەرگەن ىنىلەرى مەن قارىنداسىنا ۇلگى بولىپ كەلەدى. جاۋاپكەرشىلىك, ءتارتىپ پەن ءوزىن-ءوزى دامىتۋعا دەگەن ۇمتىلىس – ونىڭ ومىرلىك ۇستانىمى. قارىنداسى دا شەت تىلدەرىنە قىزىعىپ, 5 ءتىلدى مەڭگەرگەن. بۇل وتباسىندا اكەنىڭ ء«تىل بىلگەن ادام ومىردە ءوز جولىن تابادى» دەگەن ءتالىمى ناقتى ناتيجەسىن بەرىپ وتىر.
قاتارداعى ساربازدىڭ ايتۋىنشا, 1 ءتىلدى مەڭگەرۋگە وعان ورتا ەسەپپەن 2-3 اي ۋاقىت قاجەت. مەرزىمدى اسكەري قىزمەتىن وتەپ جۇرسە دە, ول وقۋىن توقتاتپايتىنىن ايتادى. اسكەري ءبولىمنىڭ كومانديرلەرى دە ساربازدىڭ ىزدەنىسىن قولداپ, قاجەتتى شەتەلدىك ادەبيەتتەرىن الدىرتىپ وقۋعا كومەكتەسەدى.
باحتيارحاننىڭ جەتىستىكتەرى تەك ءتىل بىلىمىمەن شەكتەلمەيدى. ول ۋشۋ-ساندادان سپورت شەبەرى, ەل چەمپيوناتىنىڭ قولا جۇلدەگەرى. سپورت پەن ءتىل ۇيرەنۋ – ونىڭ ءومىر سالتىنىڭ اجىراماس بولىگى.
بوس ۋاقىتىندا باحتيارحان قارۋلاس دوستارىنا شاعىن ءتىل ۇيرەنۋ ساباقتارىن وتكىزىپ, ءوز بىلىمىمەن بولىسەدى. بۇل وعان باسقا تىلدە اۋىزەكى سويلەۋ دەڭگەيىن جەتىلدىرۋگە مۇمكىندىك بولسا, ەندى بىرىنە جاڭا ءتىلدى مەڭگەرۋگە جول اشادى.
