فوتو: istockphoto.com
2022 جىلى قور مەن اتالعان كلينيكالار اراسىندا جالپى سوماسى 2,4 ملرد تەڭگەگە مەديتسينالىق قىزمەت كورسەتۋ تۋرالى شارتتار جاسالعان. بۇل كەلىسىمدەردىڭ ىشىندە جىلجىمالى مەديتسينالىق پويىز قىزمەتتەرى دە بولعان.
«جوبانى ىسكە اسىرۋ باستالعاننان كەيىن كلينيكالار باسشىسى الاياقتىق سحەما ۇيىمداستىرىپ, مەديتسينالىق كومەكتى ءىس جۇزىندە الماعان پاتسيەنتتەر تۋرالى اقپاراتتىق جۇيەگە كورىنەۋ جالعان مالىمەتتەر ەنگىزگەن. اتاپ ايتقاندا, جالعان دياگنوزدار مەن كورسەتىلمەگەن قىزمەتتەر تىركەلگەن. كۇن سايىن جالعان تۇردە تىركەلەتىن پاتسيەنتتەر سانى 90-نان 150 ادامعا دەيىن جەتكەن», دەلىنگەن حابارلامادا.
وسى زاڭسىز ارەكەتتەردىڭ ناتيجەسىندە كلينيكالار ءىس جۇزىندە ورىندالماعان جۇمىستار ءۇشىن قوردان 682 ملن تەڭگە العان. 2024 جىلدىڭ قاڭتارىندا بۇل قارجىنىڭ 364 ملن تەڭگەسى كلينيكا باسشىسى مەن ونىڭ جۇبايىنىڭ جەكە ەسەپشوتتارىنا اۋدارىلعان.
استانادا جەدەل جاردەم ستانتسياسىنىڭ قىزمەتكەرلەرى جىلدار بويى قارجى جىمقىرعان
قازىرگى تاڭدا كۇدىكتى قاماۋعا الىنعان. سوت سانكتسياسىمەن ونىڭ يسپانياداعى قالا سىرتىنداعى ۇيىنە, استاناداعى پاتەرىنە جانە اۆتوكولىگىنە تىيىم سالىندى. تەرگەپ-تەكسەرۋ شارالارى جالعاسىپ جاتىر.
استانادا بانك قىزمەتكەرى كليەنتتىڭ شوتىنان 34 ملن تەڭگەسىن جىمقىرعان
