بۇۇ: 2026 جىلى الەمدە 186 ملن ادام جۇمىسسىز قالادى

اگەنتتىك مالىمەتىنشە, بۇل تۋرالى حالىقارالىق ەڭبەك ۇيىمىنىڭ بولجامىندا ايتىلعان. بۇۇ ماماندارىنىڭ پىكىرىنشە, جۇمىسسىزدىق دەڭگەيى 2025 جىلمەن سالىستىرعاندا وزگەرمەيدى, ال جىل سوڭىنا قاراي شامامەن 186 ملن ادام جۇمىسسىز رەتىندە تىركەلەدى.

پرەزيدەنت بۇۇ-داعى جۇمىسىنا قايتا ورالۋى تۋرالى سىبىسقا قاتىستى جاۋاپ بەردى

حالىقارالىق ەڭبەك ۇيىمىنىڭ بايانداماسىنا سايكەس, دامىعان ەلدەردە جۇمىس ورىندارىنىڭ سانى 0,5%-عا وسەدى, ال تابىسى تومەن ەلدەردە بۇل كورسەتكىش 3,1% بولادى. مۇنداي ايىرماشىلىق باي ەلدەردەگى حالىقتىڭ قارتايۋىمەن بايلانىستى: ەڭبەككە قابىلەتتى جاستاعى ادامدار سانى ازايىپ, جۇمىس تابۋ نەمەسە ونى ساقتاپ قالۋ قيىنداپ وتىر.

سونىمەن قاتار, ۇيىم جۇمىس ورنىنىڭ بولۋى ءاردايىم لايىقتى تابىسقا كەپىل ەمەس ەكەنىن اتاپ وتەدى. قازىرگى تاڭدا الەمدە 300 ملن-عا جۋىق ادام كۇنىنە 3 اقش دوللارىنان از تابىسپەن ءومىر ءسۇرىپ, شەكتەن تىس كەدەيلىك جاعدايىندا كۇن كەشۋدە. افريكا مەن لاتىن امەريكاسىنىڭ كوپتەگەن ەلىندە حالىقتىڭ جارتىسىنان استامى كولەڭكەلى ەكونوميكادا ەڭبەك ەتەدى.

بۇۇ: دەنساۋلىق ساقتاۋعا ينۆەستيتسيا سالىنباسا, بۇدان دا جويقىن پاندەمياعا تاپ بولامىز